花華 (Closed)

襯放假，去試下呢間朋友一直推介喺馬鞍山嘅隱世小店。店內裝潢休閑舒適，座位不多，好多時都大排長龍。不過好在今日星期日四點，等咗十幾分鐘就有位啦。原本諗住試佢現製手工意粉，點知已經售罄，但無減美味驚喜。綠茶黑豆scone：切開嗰一下就知道外脆內軟，面皮薄薄，裏面保持濕潤，口感一流！綠茶味香濃，同黑蜜豆好夾。本身已經好好食，點知醬料仲驚喜！佢用加咗栗子碎嘅軟芝士，食落香甜nutty而不油膩，口感味覺新鮮，最啱好似我呢啲唔鍾意食忌廉嘅人嘅口味！荷蘭pancake：冇得食意粉，朋友叫咗個荷蘭pancake，外皮鬆軟有奶香，火腿同溶咗嘅芝士食落好juicy，加埋少少cranberries 喺啲沙律菜上面，食得又睇得。綠茶latte （改豆奶）：綠茶味超級香濃，淡淡嘅豆奶令綠茶味更突出，一個字＂正＂！小店人手唔多，每樣食物都係用料出色嘅精心製作。下次一定要試埋朋友極力推介嘅手工意粉。