YOLO Cafe & Bar (Closed)

位於旺角熱鬧街道下嘅一間純白餐廳，特別吸引到我嘅目光🤍。睇到佢嘅午餐menu，性價比幾高，一於自己一個入去好好嘆一個lunch！🌿香煎雞胸意大利蕃茄飯🍅蕃茄飯酸酸甜甜，幾開胃，米飯中間亦加添左啲蘑菇粒，令食落嘅口感更煙韌有嚼頭。雞胸分量超多，肉質比預期中滑，食完都唔會覺得好油膩好heavy，特別推薦健身後/想控制體重嘅人士試下～👍🏻Oreo芝士蛋糕跟餐加$30仲有一款甜品，覺得好抵🙈抵受唔住誘惑叫咗件芝士蛋糕試吓。出奇地，蛋糕做得相當輕盈，食落不會太甜膩，oreo 打入芝士忌廉當中，食落更有口感同濃味🍪澳式白咖啡跟餐嘅飲品只係需要半價，咖啡愛好者忍唔住叫杯白咖啡品嚐下～咖啡餘韻好香，面頭配搭咖啡師用心設計嘅拉花🤍望住個咁潔淨嘅地方，舒舒服服咁坐係到，一路飲一路放鬆，都係個獨遊時不錯嘅落腳點👍🏻整體而言，睇得出餐廳廚師嘅用心，誠意推介大家在繁忙嘅一刻，入去洗滌chill吓。