泰潮 (嘉咸街) (Closed)

中環呢頭愈來愈多小店，咁岩見到呢間泰國餐廳好像幾有風味，一於試下。環境就唔係咁大，坐位唔係好多，但店員好多都係泰國人。食物款式都多，我們點左二人餐，咁岩有曬我地想食既野😍晚市二人套餐A $268冬陰公湯酸味唔係好濃，香矛味幾突出，辣度岩岩好，對唔係食太辣既朋友都可以接受，份量都夠每人兩碗。泰潮海南雞飯 配油飯雞唔太肥，雖然似雪雞但做得好滑，配埋個香噴噴既油飯幾夾。泰式蒜茸炒雜菜菜都算新鮮，爽口，蒜茸份量適當，唔會太濃蒜香味而蓋過菜味。泰式炸魚餅拼春卷魚餅都脆口，無腥味。春卷就略微有一點硬，味道可以。泰式青咖哩豬頸肉青咖哩味道幾突出，撈飯真係一流，有泰國味，豬頸肉都好香，邊位少少焦，煎過黎，肉質就好淋，好好食。推薦！泰式甜品似椰汁糕。有少少椰汁味，幾清新，頭先食完d濃味野再食呢個，食落幾舒服。