心夜來潮 (Closed)

好耐冇食潮州菜，咁岩又有朋友介紹，所以等埋男朋友放工，一齊去旺角食。呢間餐廳係樓上店，要行2層樓梯，營業到凌晨，住附近既人真係有食神。餐廳全部木紋枱櫈，好有中餐風味。每枱重有一壺涼水，夏日炎炎，好清涼。餐牌有吾同菜式，重有好多款海鮮，好似係新菜式黎，幾有趣，樣樣都好似好好食咁。甜蝦(新菜式)d蝦好爽口，又彈牙，全部都醃左醬汁上枱，好入味，完全吾腥。醬鹵鵝片切片上碟真係好方便食，份量都吾少，點埋醋，岩岩好。重有炸豆腐鋪係鵝片底，好有醬鹵味，好入味，大大件，又嫩。金沙寶寶寶呢碟個名好好笑，其實係蛋黃炸魷魚，重有芋絲、銀魚同腰果鋪係底。上碟就有濃濃既蛋黃味，魷魚又爽口新鮮。而腰果就好脆，好好味。櫻花蝦欖菜炒飯炒飯吾濕，粒粒分明，好香口，配埋櫻花蝦、翠玉瓜粒，估吾到幾有口感，份量都吾錯。