王朝潮盛館 (Closed)

😋潮州打冷x抵食煲仔王😋-同屋企人食飯又唔想煮飯 所以去咗呢間喺新蒲崗嘅潮州菜小餐館食飯😝 餐廳環境有別一般老舊打冷鋪 座位都幾寬落而且都ok乾淨企理 聚餐一流😌-🐙椒鹽鮮魷 $128鮮魷肉質都好肥美 唔係得粉漿而冇肉😋 因為即叫即炸嘅關係 雖然會比較油咗啲啲 但外層真係好酥脆 加上椒鹽調味 十分開胃😎-🪿鹵水鴿皇 $108首先佢上菜隻碟真係好搶眼 好得意😂 佢嘅滷水係可以一啖接一啖嘅鹹度 再帶啲甜甜嘅餘韻 送飯一流😋 鴿皇都算大隻 肉質實淨彈牙😙-🦪蠔餅 $98一睇個賣相就知道佢好鬆脆😍 佢嘅邊邊炸到好有空氣感嘅脆脆曲奇 十分香脆😁 加上佢嘅蠔仔落得好大方 都幾飽滿肥美 口感幾QQ😘 真係好值得為佢跑一個鐘cardio-🥘生啫白鱔煲 $198因為望到隔離枱叫咗個煲仔 所以又跟住叫😂 白鱔都幾嫩滑强牙 而且份量十足 屈指一算應該有八大嚿左右😚 配上濃郁嘅生啫汁 好啱撈飯😆-🥬韭菜肉碎鵝紅煲 $68最後都要食吓菜嘅 所以我地叫咗個韭菜肉碎鵝紅煲😊 鵝紅唔會好腥 食落好滑溜😗 而且排列得好整齊 加上旁邊有大量韭菜 賣相靚靚 仲有唔少肉碎係面 湯底係清清地嘅胡椒湯 惹味得嚟唔會好重口味😙-📍