滿樂潮州 (東薈城名店倉)

Open Now

Now Closed

前幾日去左東涌行東薈城outlet，就到晚餐時間就去左滿樂潮州食潮州菜，第一次幫襯吾知味道岩吾岩我呢？杭州菊花味道帶濃郁菊花香味，咸菜、花生作為小食。紅棗烏豆豬尾煲(例): 第一次食豬尾煲初頭有點抗拒的，食落之後大大改變。豬尾咬落好夠林口，好似食緊豬手甘，帶有少少肉。雖然無豬手甘爽口，但豬尾已經入晒味。另外，仲有大量紅棗、烏豆，同樣地吾硬口啊！蒜香梅汁蒸鱔片：鱔片既皮口感夠晒爽口，鱔肉好滑又帶鮮味！由於加入蒜頭、梅汁，所以食落又咸又酸，味道幾特別！鴛鴦水晶包：利用水晶包當中既蓮蓉、紅豆作為甜點，真的不錯。包既外皮吾算太厚，而蓮蓉甜度好足，紅豆又甜又香口。