潮聖 (Closed)

同事係網上見到這間新的小店舖，係食潮州腸粉，賣相好似幾吸引，今日經過，見到原來好細的，只有一張枱，有個男店員出來問我們食乜，但衣著似廚房，穿對水鞋，衣衫也是有油漆漬，我們想外賣，他隨手給了一張餐紙，同事想試牛肉餅，叫了一碗，原來入面係廚房，隔離間了一間小房，有一張枱。店員還說可以送外賣，他就叫我們把外賣紙拿回去，但那張紙也是有污漬的……回公司就食，牛肉餅原來係咁的，我初初真的以為係淋的餅，感覺係牛丸扁了的，放係麵湯入面，十二粒，湯底有好多葱，味精好重，牛肉餅爽口同彈牙的，俾牛丸更彈。幾唔錯的！