潮叔 (駱駝漆大廈第三座) (Closed)

原本想嚟打邊爐，但去到發現大家都唔係好食得落，所以最後決定叫兩個麵，試多幾個小食。鮮榨油柑汁完全咩係油柑，待應介紹話係潮州嘅特色果汁，咁就叫嚟試吓，佢有幾款味，茉莉花油柑，荔枝油柑汁，仲有一款原味，我地要左荔枝油柑汁，幾有驚喜！好濃荔枝味，仲有小小甘甘地，幾好飲。涼拌青瓜個汁好似口水雞個汁，有小小麻辣，仲酸酸地好開胃。炸蝦餅$12就有3個件好抵食。香煎豬肉餅唔知係唔係都係潮洲特式小食呢，幾香豬油味。蒜香雞翼炸得好香脆。乾炒牛肉烏冬炒得好乾身，牛肉啱啱好。招牌沙嗲鵝肉麵沙嗲好香，鵝肉仲好多，幾惹味。