Video
Read full review
2022-06-02
1007 views
飲茶來來去去都係個幾味，今日試呢間潮州菜館就夠晒特別，入面有好多特色潮州點心!普寧灌章真係從未食過! 原來係一種潮式小食，係用蘿蔔絲再加上湯，入面再加D蝦米、花生餡料，灌入腐皮中，煎炸至金黃色。味道似煎蘿蔔糕，又唔油膩，食完都想再食多幾件，大家可以試下!!鮮蝦蒸荀粿又係另一樣係呢間茶樓先叫到既特色菜! 潮州出名好多唔同既粿，而呢款其實就有D似粉粿既質感，入面包住蝦粒同荀粒，味道就比較清新~大大粒蝦餃同燒賣係飲茶必叫，呢到每件點心都係兩粒一籠，都幾岩人少少又想飲茶既人。兩款同樣有蝦成份既點心，蝦肉都係大粒而彈牙。燒賣上仲加左D蟹籽，食落更有層次感。而蝦餃勝左皮薄餡大，都幾吸引。咖哩魷魚咖哩真係做得幾好味，又香又辣辣地，十足香港街頭小食，好想加埋魚蛋同蘿蔔，一定好正!呢個汁搞到我仲想叫多碗飯黎送!
普寧灌章
真係從未食過! 原來係一種潮式小食，係用蘿蔔絲再加上湯，入面再加D蝦米、花生餡料，灌入腐皮中，煎炸至金黃色。味道似煎蘿蔔糕，又唔油膩，食完都想再食多幾件，大家可以試下!!
鮮蝦蒸荀粿
又係另一樣係呢間茶樓先叫到既特色菜! 潮州出名好多唔同既粿，而呢款其實就有D似粉粿既質感，入面包住蝦粒同荀粒，味道就比較清新~
大大粒蝦餃同燒賣係飲茶必叫，呢到每件點心都係兩粒一籠，都幾岩人少少又想飲茶既人。
兩款同樣有蝦成份既點心，蝦肉都係大粒而彈牙。燒賣上仲加左D蟹籽，食落更有層次感。而蝦餃勝左皮薄餡大，都幾吸引。
咖哩魷魚
咖哩真係做得幾好味，又香又辣辣地，十足香港街頭小食，好想加埋魚蛋同蘿蔔，一定好正!呢個汁搞到我仲想叫多碗飯黎送!
Post
