Video
Read full review
2019-12-02
4855 views
社會運動搞咗幾個月, 搞到個人冇乜心情吃喝玩樂, 見選舉後平靜左, 即刻出動尋找美食, 今晚出尖沙咀食潮菜!! 百樂小館裝修新潮, 絕對潮得起, 我呢個蟹黐最想試係佢個糯米蟹飯, 睇社交網絡相片賣相很吸引呢由於時間關係.....趕到黎已經非常肚餓, 急不及待大快耳朵, 坐低即忘我地吃吃吃, 今次連餐牌都忘了影。這個潮州甜菜好爽口, 甜甜酸酸挺開胃的。鹹菜胡椒豬肚湯（$68/位上）豬肚湯唔係個個啱飲, 個人就非常like, 幸好可以位上, 不過我相信鍋上係會抵飲的。胡椒豬肚湯下了鹹菜、瘦肉及豬肚, 鹹菜及豬肚煲得腍腍的, 足見火候十足, 豬肚腍滑且完全冇'押'味, 充滿黑胡椒的香辣, 辣度還可以, 辛香但不搶喉, 那件瘦肉己出晒肉味, 食……算把啦, 太嚡了。鹵水鵝肉拼盤（$168）鹵水拼盤內有鵝片、墨魚片、蛋、豆腐和腩肉。鵝片皮薄肉嫩, 肥瘦比例剛好, 沒太多多餘的脂肪, 滷得入味, 香而不死鹹, 鵝片軟滑香口, 啖啖肉 , 好食。 墨魚片就新鮮爽美, 百樂小館用五花腩炮製滷肉, 一層肥一層瘦, 入口油香, 帶少少咬口。肥肉不多, 鹵水好香欖菜肉碎四季豆（$98）四季豆以肉碎和欖菜炒
由於時間關係.....趕到黎已經非常肚餓, 急不及待大快耳朵, 坐低即忘我地吃吃吃, 今次連餐牌都忘了影。這個潮州甜菜好爽口, 甜甜酸酸挺開胃的。
鹹菜胡椒豬肚湯（$68/位上）
豬肚湯唔係個個啱飲, 個人就非常like, 幸好可以位上, 不過我相信鍋上係會抵飲的。胡椒豬肚湯下了鹹菜、瘦肉及豬肚, 鹹菜及豬肚煲得腍腍的, 足見火候十足, 豬肚腍滑且完全冇'押'味, 充滿黑胡椒的香辣, 辣度還可以, 辛香但不搶喉, 那件瘦肉己出晒肉味, 食……算把啦, 太嚡了。
鹵水鵝肉拼盤（$168）
鹵水拼盤內有鵝片、墨魚片、蛋、豆腐和腩肉。
鵝片皮薄肉嫩, 肥瘦比例剛好, 沒太多多餘的脂肪, 滷得入味, 香而不死鹹, 鵝片軟滑香口, 啖啖肉 , 好食。 墨魚片就新鮮爽美, 百樂小館用五花腩炮製滷肉, 一層肥一層瘦, 入口油香, 帶少少咬口。
肥肉不多, 鹵水好香
欖菜肉碎四季豆（$98）
四季豆以肉碎和欖菜炒香， 惹味非常，配粥配飯也一流， 不覺意就爬完兩碗飯。
潮州糯米炒肉蟹 （$498）
呵呵....摯愛上場, 巧大隻蟹, 蟹底是炒香左既糯米飯， 香噴噴
由於蟹夠大隻， 蟹身的肉都好多， 隻蟹雖然好大隻， 其實係小鮮肉， 蟹肉嫩鮮。
識食梗係食蟹鉗啦，仲要係咁大隻, 蟹鉗肉清甜爽口兼味鮮
糯米飯應該係蒸熟再炒香， 軟軟的卻不失咬口，鹹鹹香香， 賣飛佛也。
福果芋泥 ($42)
自從系潮州食過甜到阿媽都唔認得嘅正宗潮州芋泥後， 有點怕怕， 但我朋友就非常鍾意食呢家野， 開心share 吧, 芋泥冇想像中咁甜, 真係用新鮮芋頭煮成, 芋頭味好特出, 甜甜地, 又香又滑， 好似食緊新鮮芋頭。
食潮州菜的完美句號 : 一杯濃郁味道帶甘的功夫茶.....清清喉嚨才閃人。
Post
