潮州軒

Open Now

Now Closed

上次來花盃，發現此處，將佢入咗後宮佳麗，花家精挑起話要試新貴嘢，二話不說就來咗。可能位置偏辟，又新，午飯時間，大廳只有一，兩枱客，看openrice佢的相片有窗口，可能在廂房，我曾在鼎爺節目中見過。大廳面積不太，枱不多也不陜窄，格調顏色清雅簡潔，寧靜舒適。送上小杯功夫茶，高级一定嚐，就算飲後失眠，夠甘，夠滑；來潮州，當要要飲鐵觀音，侍應俾多個茶壼，將浸泡茶盛着，免被茶葉過份浸濃，所以茶保持一定濃度，自家調整，顏色清，琥珀色，不澀，茶香。餐牌吸引，大大張相，紙質又厚又滑，看見貴價食物相，話話聲，魚趐，花膠，凍蟹，吸睛。因嚐過中環潮廳蟹餅，今次又試隻鷹，但此次不夠飽滿， 加蛋白，蟹肉不多， 前者蟹味香濃多多，又有韮菜香。普寧豆腐,滑,皮脆，豆腐芯較薄，與相片不付~P圖，蘸汁微咸，豆香不及駿景軒豆腐。涼瓜黃豆腩肉煲，黃豆色稠汁， 又唔係鹹又唔係甜，好特別㗎，即有些你話醜又唔係，話佢靚又唔係，有吸引味道，有黃糖令五花腩，有光澤， 涼瓜好腍，索晒精華，甘味走失大部份，如保留多些甘味更好！加上一碗潮洲粥調一調，米質黏糯，米質有口感，高品，水質部份較稠，個人較喜歡米水稀，即戲曲中心滿樂中菜，得我歡