潮城潮汕火鍋

Open Now

Now Closed

今日去咗旺角食潮汕風味嘅單點火鍋店，比較特別係佢哋嘅潮汕特色牛肉同獅頭鵝，牛肉非常講究可以食唔同嘅位置。我哋叫咗牛骨湯底$68，呢個價錢以單點火鍋嚟講算係幾平，湯底有蘿蔔同粟米，味道清甜，唔會太濃但又有層次感。牛肉類方面，匙柄$78柔嫩Q彈，口感非常好，嫩肉$68係純瘦低脂，食落清爽又健康。仲叫咗蒙古羊肉片$68，羊肉薄切，入口未有太重嘅羶味，算係唔錯。配菜方面，油麥菜$23新鮮爽口，炸潮州魚蛋$33可以即食，外層脆脆地，內裡魚香味濃郁，幾有特色。豬肉粟米餃$33餡料飽滿，粟米帶少少甜味。獅頭鵝肉丸$33就係潮汕嘅招牌，彈牙有肉香。