Video
Read full review
2019-06-21
85 views
今日放工又約左兩位閨蜜食飯~其中一位話呢間茶記又好食裝修又特別可以影相呃like，於是就跟佢黎試下!去呢間餐廳要上斜路或樓梯，好彩今日冇著高踭鞋~到左之後發覺門面好特別，係懷舊風既霓紅燈配色!入到去真係連裝修都係懷舊風~唔怪得閨蜜話係呃like勝地~😂Menu係檯面簡簡單單一頁過~我地3個就叫左3個主菜再加3杯飲品share~咖哩蝦球蔥油餅首先黎既係咖哩蝦球蔥油餅，因為知豬手會好滯所以專登唔配飯而配蔥油餅，一塊切開4份點咖哩汁就可以當成一個小食~咖哩汁係港式咖哩，濃而不辣，仲有D炆得好粉既薯仔係入面，而蝦球就明顯炸過，食落彈牙不過被咖哩搶左佢D鮮味~朋友馬後炮話咖哩同雞應該夾D~招牌焗豬扒飯呢個係閨蜜指明一定要叫~話D豬扒係好好食!上到檯係一貫焗豬扒飯既樣子~不過一食落口真係食得出個分別，豬扒大塊切件而且厚薄適中，冇乜骨又啖啖肉，醃得好香而且肉質一D都唔鞋，炒飯底粒粒分明，醬汁酸甜度平衡，熱辣辣好好食!鐵板香燒豬手一上檯即刻要相機食先!豬手好大隻，淋上蒜蓉汁係鐵板上即刻咋咋聲~引到隔離檯岩岩坐低都ORDER左一份~XD豬手外皮厚，切開要用d力，切開後更加見到勁多肉，不過呢個一定要同人s
去呢間餐廳要上斜路或樓梯，好彩今日冇著高踭鞋~到左之後發覺門面好特別，係懷舊風既霓紅燈配色!入到去真係連裝修都係懷舊風~唔怪得閨蜜話係呃like勝地~😂
Menu係檯面簡簡單單一頁過~我地3個就叫左3個主菜再加3杯飲品share~
咖哩蝦球蔥油餅
首先黎既係咖哩蝦球蔥油餅，因為知豬手會好滯所以專登唔配飯而配蔥油餅，一塊切開4份點咖哩汁就可以當成一個小食~咖哩汁係港式咖哩，濃而不辣，仲有D炆得好粉既薯仔係入面，而蝦球就明顯炸過，食落彈牙不過被咖哩搶左佢D鮮味~朋友馬後炮話咖哩同雞應該夾D~
招牌焗豬扒飯
呢個係閨蜜指明一定要叫~話D豬扒係好好食!上到檯係一貫焗豬扒飯既樣子~不過一食落口真係食得出個分別，豬扒大塊切件而且厚薄適中，冇乜骨又啖啖肉，醃得好香而且肉質一D都唔鞋，炒飯底粒粒分明，醬汁酸甜度平衡，熱辣辣好好食!
鐵板香燒豬手
一上檯即刻要相機食先!豬手好大隻，淋上蒜蓉汁係鐵板上即刻咋咋聲~引到隔離檯岩岩坐低都ORDER左一份~XD豬手外皮厚，切開要用d力，切開後更加見到勁多肉，不過呢個一定要同人share，份量太多自己一定食唔哂架!
飲品方面都唔錯~紅荳冰夠多豆豆~椰汁味濃~天氣咁熱飲番杯紅荳冰真係好舒服~招牌奶茶閨蜜話茶同奶比例岩岩好同好香茶味，另一位閨蜜就話好鍾意龍鳳檸樂又咸又酸又甜~
最後我地3個8婆仔傾左勁耐~要讚一讚呢度既侍應好好禮貌~侍應冇藐我地坐咁耐不特止仲每次舉親手都笑住招呼我地~抵讚~!
Post
