Video
Read full review
2023-07-31
464 views
因工作關係入去香港仔中心, 好耐冇入去, 十幾年前每星期探婆婆, 覺得係一個好溫暖好街坊嘅地方(仲有好靚海鮮🐟🦀🦑)。入去前已經plan好簡簡單單想食一個好味魚旦粉, 嘆個凍奶茶就心滿意足。做完嘢, 見到街角呢間潮苑都似多年老店, 有冷氣, 快餐又冇乜要求就試吓啦。🍜 炸魚片鮮製墨魚餅湯河 $42見到“自家製”“鮮製”呢D字眼點會唔改變主意呢🤣 的確無令人失望！先呷一口奶白鮮魚湯, 鮮甜。鮮製墨魚餅彈牙啖啖墨魚肉🦑, 好厚身。炸魚片魚味🐟比一般濃郁, 軟糯而唔係嗰種化學製到太彈牙。河粉爽滑, 最鍾意呢款連湯sir落喉嚨嘅河粉。🥤凍奶茶 $8 （粉麵跟餐價）Ok好飲喎, 啱啱好,老實講, 可能粉麵大連鎖店永遠都追唔到老小店茶水檔水準。🌶️ 辣椒油自家炒, 香辣因為個墨魚餅炸魚片真係幾好食又難得山長水遠, 就每樣買咗半斤, 屋企打邊爐或翻炸送吓酒都好。都幾抵, $60/半斤墨魚餅有16塊喎。叫靚姐送兩包辣椒油添。下次去開香港仔簡單搵快餐可以試吓~環境：🌟🌟味道：😋😋😋😋服務：🧑🏻💼 （當我買埋拎走嘅墨魚餅炸魚片即刻升到🧑🏻💼🧑🏻💼🧑🏻💼🧑🏻💼）
入去前已經plan好簡簡單單想食一個好味魚旦粉, 嘆個凍奶茶就心滿意足。做完嘢, 見到街角呢間潮苑都似多年老店, 有冷氣, 快餐又冇乜要求就試吓啦。
🍜 炸魚片鮮製墨魚餅湯河 $42
見到“自家製”“鮮製”呢D字眼點會唔改變主意呢🤣 的確無令人失望！
先呷一口奶白鮮魚湯, 鮮甜。鮮製墨魚餅彈牙啖啖墨魚肉🦑, 好厚身。炸魚片魚味🐟比一般濃郁, 軟糯而唔係嗰種化學製到太彈牙。河粉爽滑, 最鍾意呢款連湯sir落喉嚨嘅河粉。
🥤凍奶茶 $8 （粉麵跟餐價）
Ok好飲喎, 啱啱好,老實講, 可能粉麵大連鎖店永遠都追唔到老小店茶水檔水準。
🌶️ 辣椒油
自家炒, 香辣
因為個墨魚餅炸魚片真係幾好食又難得山長水遠, 就每樣買咗半斤, 屋企打邊爐或翻炸送吓酒都好。都幾抵, $60/半斤墨魚餅有16塊喎。叫靚姐送兩包辣椒油添。
下次去開香港仔簡單搵快餐可以試吓~
環境：🌟🌟
味道：😋😋😋😋
服務：🧑🏻💼 （當我買埋拎走嘅墨魚餅炸魚片即刻升到🧑🏻💼🧑🏻💼🧑🏻💼🧑🏻💼）
炸魚片鮮製墨魚餅湯河
$42
23 views
0 likes
0 comments
炸魚片, 鮮製墨魚餅
$60
89 views
0 likes
0 comments
Post
