Video
Read full review
2022-04-16
2320 views
好耐都冇係出面堂食喇，呢日見疫情好轉終於出下街食下嘢，趁機搵啲特色菜食下，呢間係灣仔嘅Francis主打中東菜，餐廳格局似bar & restaurant，啲侍應同唔少客人都係外國人，頓時有種getaway嘅感覺😍😍中東菜好少食，原來都唔係想像中咁重口味，反而會善用唔同香料同食材豐富口感同味道，值得一試👍🏻👍🏻Hummus 食中東菜點少得hummus，佢嘅hummus加咗蒜同檸檬汁，配中東麵包食好滿足。餐廳好貼心，見食哂啲包但仲剩返hummus會問你添唔添麵包，結果加咗兩塊包，未食其他菜已經飽咗一半🤣🤣Grilled octopus 烤八爪魚係歐洲常見菜式，估唔到呢度都有，不過就配上脆卜卜嘅炸薯餅。🐙烤到好焦，食到焦甜香味，質感彈牙唔韌。面頭配以用蕃茄乾整成嘅醬料，酸甜帶辣勁🌶好惹味😋Manti dumpling 原來中東都興食🥟，呢個餃子用上牛肉做餡，餃子皮同一般中式、西式甚至韓式都好唔同，質地較chewy同韌少少，但又唔會覺得好厚。餃子要配濃稠味道豐富嘅醬料，有蕃茄、香草、yogurt同橄欖油，酸酸咪咪，同餃子好夾👍🏻👍🏻Kafta傳統中東菜，以免治牛同羊肉加上香料做成肉丸，口感比
Hummus
食中東菜點少得hummus，佢嘅hummus加咗蒜同檸檬汁，配中東麵包食好滿足。餐廳好貼心，見食哂啲包但仲剩返hummus會問你添唔添麵包，結果加咗兩塊包，未食其他菜已經飽咗一半🤣🤣
Grilled octopus
烤八爪魚係歐洲常見菜式，估唔到呢度都有，不過就配上脆卜卜嘅炸薯餅。🐙烤到好焦，食到焦甜香味，質感彈牙唔韌。面頭配以用蕃茄乾整成嘅醬料，酸甜帶辣勁🌶好惹味😋
Manti dumpling
原來中東都興食🥟，呢個餃子用上牛肉做餡，餃子皮同一般中式、西式甚至韓式都好唔同，質地較chewy同韌少少，但又唔會覺得好厚。餃子要配濃稠味道豐富嘅醬料，有蕃茄、香草、yogurt同橄欖油，酸酸咪咪，同餃子好夾👍🏻👍🏻
Kafta
傳統中東菜，以免治牛同羊肉加上香料做成肉丸，口感比較實淨同少許彈牙，羊嘅膻味同香料味好出，面頭嘅蕃茄醬加上hummus令到個肉丸中東風味更濃郁😋😋
Honey & Yogurt Slice
將yogurt整成雪葩質地，面頭鋪上crisps，配以用肉桂煮過嘅梨。Yogurt slice味道較淡，所以被梨嘅甜味同玉桂味搶過，唔算好啱我口味😂
Knafeh
個賣相令我諗起潮州兩面黃🤣原來係中東嘅特色甜品，炸麵條包住cheesecake嘅變奏版，上面仲有雪糕同開心果碎，炸麵條脆卜卜，加上酸甜軟滑嘅餡料同雪糕，口感層次豐富😗😗
人均消費：$400
推介指數（10分為滿分）：8分
Post
