Video
Read full review
2023-09-11
354 views
啫啫排骨煲，骨多肉少杉杉口，肉半生熟。蝦仁炒蛋，香噴噴有鑊氣，厚蛋甜美，蝦仁鮮爽彈牙，不過蛋炒得太老！大豆芽豬紅，平時豬紅十分有彈性而且浸得香甜滑滑，這兜失水準腍劈劈加上味道勁咸呢。筍蝦，首次膽粗粗試試，第一次品嚐。原來筍蝦不是蝦來的，多年都以為什麼海蝦品種。真身為淨筍沒有蝦架喎，個名點黎架？爽甜脆脆多汁，非常使人回味，食完一啖停不了要再食第二啖。成班朋友只有兩個受得到如此獨特的香氣及別樹一格的味道，我係其中一個。以前既我一定食唔到，阿媽由細到大煮客家竹筍炆豬肉我都食唔到筍呢。紅燒乳鴿，乳鴿發生咩事呀？好味到難以形容！即叫即炸新鮮出爐，鴿皮炸得金黃香脆，肉質嫩滑無比，大啖一咬肉汁激射，醃得剛好又不咸不嗆，超水準表現！鴿頸炸到完全鬆化香口，骨都食埋，正呀！鴿頭搭鴿腦一齊食，味道甘甜帶咸香，太美味喇！海外知名遠近馳名天下第一鴿，皮香肉嫩豉油味濃，雖不是脆皮但已香口無比，香料滲入每絲肉之中，啖啖嫩肉多汁水潤，連手指都損得乾乾淨淨。滷水鵝掌翼，掌皮爽脆、翼肉彈牙有嚼勁，滷水清香脫俗，送酒佳品。茄子牛仔骨，鹿鳴居絕活﹗任何茄子菜色都永無失手，點煮都咁好食﹗茄子綿滑索盡牛仔骨吸芡汁精華，滾燙地大大
筍蝦，首次膽粗粗試試，第一次品嚐。原來筍蝦不是蝦來的，多年都以為什麼海蝦品種。真身為淨筍沒有蝦架喎，個名點黎架？爽甜脆脆多汁，非常使人回味，食完一啖停不了要再食第二啖。成班朋友只有兩個受得到如此獨特的香氣及別樹一格的味道，我係其中一個。以前既我一定食唔到，阿媽由細到大煮客家竹筍炆豬肉我都食唔到筍呢。
紅燒乳鴿，乳鴿發生咩事呀？好味到難以形容！即叫即炸新鮮出爐，鴿皮炸得金黃香脆，肉質嫩滑無比，大啖一咬肉汁激射，醃得剛好又不咸不嗆，超水準表現！鴿頸炸到完全鬆化香口，骨都食埋，正呀！鴿頭搭鴿腦一齊食，味道甘甜帶咸香，太美味喇！海外知名遠近馳名天下第一鴿，皮香肉嫩豉油味濃，雖不是脆皮但已香口無比，香料滲入每絲肉之中，啖啖嫩肉多汁水潤，連手指都損得乾乾淨淨。
滷水鵝掌翼，掌皮爽脆、翼肉彈牙有嚼勁，滷水清香脫俗，送酒佳品。茄子牛仔骨，鹿鳴居絕活﹗任何茄子菜色都永無失手，點煮都咁好食﹗茄子綿滑索盡牛仔骨吸芡汁精華，滾燙地大大注隊到舌尖上，熱到颷眼水都在所不計，惹味香甜。茄子才是主角，平價牛仔骨就顯得普通，油爆全熟醃味濃濁唔難食。
椒鹽海中蝦，最緊要蝦殼炸得透徹但蝦肉要保持鮮爽，當然要連殼食，再脆一點會更好，差一丁點就滿分啊。高鈣香脆蝦殼，高蛋白爽甜多汁蝦肉，惹味微辣蒜酥。瑤柱肉鬆蒸水蛋，好好好好味啊！味道一流雖然水份多了一點點，成碗飯倒落蒸水蛋之上，不停翻滾索索肉汁蛋汁跟上湯，大啖大啖搶住塞入口，堅係和味美妙。
斑球炒西蘭花，爽嫩西蘭花翠綠可口，無變黃不老不過腍，散發濃濃菜甜味。結實魚味濃厚的斑球，雖然未見嫩滑但勝在啖啖肉。豉油皇炒鵝腸，味菜多鵝腸少少，色香味都麻麻地。鵝腸細細條唔夠爽彈，豉油清香食得過。居然用上白菜底，還以為味道會不太夾，竟然熱辣辣又爽甜好好食，比鵝腸更好味。
梅子蒸排骨，很少機會食得到的家常蒸蒸餸，唔係間間都有梅子醬呢。其實酸酸甜甜勁好送白飯，熱辣辣撈楊州炒飯就更加痴線美味到出神入化﹗福建炒飯，熱辣辣有鑊氣，好好食呀！有菜粒菜葉、魷魚粒、蝦粒、肉粒、冬菇粒，百鳥歸巢配埋蛋香非常既炒飯，美味到不能說話！再撈埋辣中帶甜既麻婆豆腐就更加惹味﹗無兩碗飯落肚誓不羆休，全部食晒一粒飯都無剩，真心飽到想嘔呢！
麻婆豆腐加辣，加辣完全唔覺辣度有提升，只係味道較濃郁。內外色香味都比以往美味，肉香辣香豆腐香，但依然用硬豆腐就有點失色，如果轉用滑豆腐好食好多架喎。咕嚕雞球，應該係我食過最好食既咕嚕雞球。以前食過既都炸到又乾又硬，依碟高質雞球完全唔同，皮香脆脆肉嫩滑滑，加上甜酸汁好醒胃，使我完全改觀。
豉油皇炒麵，姐姐您明唔明咩叫全走呢？依家走左啲咩呢？我唔要蔥、唔要洋蔥、唔要芽菜，要我花大量時間慢慢續條續條挑走，挑乾淨後碟熱辣辣香噴噴既炒麵都變得又凍又油了﹗食味大打節扣，這個責任誰來承擔？百搭炒麵淨食已經拍爛手掌，如果撈魚香茄子、麻婆豆腐，味道更是天上有地下無啊﹗
粟米魚肚羹，平靚正超級抵食﹗六十蚊兩大碗勁多料粟米魚肚羹，邊度搵？味道濃郁，厚薄恰到好處。專登叫多個豉油皇炒麵浸粟米魚肚羮食，麵條掛滿汁狠狠地吸啜，異常美味！鹽焗烏頭，十分大路的味道，雖然沒有香甜黏滑的黃油，但都充滿閃令令鮮味魚油呢﹗魚肉咸鮮滴著魚汁，不用任何調味，原汁原味地享用已非常滿足。
雞柳炒韮菜花，滑潺潺腍啤啤的雞柳鬆得太利害，幸好襯上爽甜韮菜花擦出花火，食得過食得過。沙嗲金菇肥牛粉絲，頂級沙嗲金菇肥牛粉絲﹗又是一道搶飯的佳餚，實在太過份了﹗牛嫩入味、汁香味濃、菇爽爆汁，控制不到自己要不停爬飯呀﹗很少很少食肆處理得好，沙嗲汁不是太稀就太杰一舊舊、粉絲不是太腍成劈就太硬食到胃丸、牛肉大多都廿成熟老到柴皮。
魚香茄子，高級魚香茄子百份百要大大加推介﹗滿分爆燈，多多肉碎多多辣開胃醒神，吸汁軟綿啖啖茄子肉回味無窮，撈炒飯或撈炒麵都同樣精彩。清蒸游水青斑仔，太豐富喇！游水海魚多謝八舊，多謝。新鮮度不容置疑，鮮味非凡，肉質嬌嫩可口，魚味甜甜清香，滾滿蒸魚豉油無得頂﹗全身都係寶，由魚頭、魚三角、魚鰭、魚骨、等等等等，全部啜得乾乾淨淨，整幅骨架完全粉碎。
牛柳絲炒韮菜花，牛柳絲跟雞柳一樣鬆到滑潺潺腍啤啤，醃味太濃太濁，好彩韮菜花爽甜加分不少呢。椒鹽雞軟骨，唔熱架呢？失溫？室溫？厚厚的粉、脆脆的軟骨，沾上甜酸喼汁不過不失。椒鹽牛柳粒，醃得勁乸勁濁腍啤啤，加入勁多蒜酥及腰果感覺非常熱氣呢﹗
南乳炸雞翼，不過不失皮脆油膩熱烘烘，乳香特出有點咸，送啤酒當然剛剛好。白灼東風螺，馳名中外鮮巨型大大粒，幾乎每晚最少要食一碟方能入睡啊﹗壯陽大補螺，螺肉彈牙、螺尾粉滑甘香，剛剛熟無過火﹗
斑腩XO 醬炆伊麵，意料之外的好味道，色香味俱全，伊麵索汁味濃、彈彈長長不散碎，斑腩結實香口又帶汁，最敝再次唔記得要走韮黃，好采不是太多，要扣一丁點分數。椒絲腐乳炒通菜，鑊氣迫人熱騰騰，乳香非凡出眾，還夾雜著辣椒的惹味，大注大注拖著大量大量菜汁芡水塞得嘴仔滿一滿，極幸福啊﹗
枝竹羊腩煲
0 views
0 likes
0 comments
啫啫排骨煲
0 views
0 likes
0 comments
蝦仁炒蛋
4 views
0 likes
0 comments
大豆芽豬紅
0 views
0 likes
0 comments
筍蝦
1 views
0 likes
0 comments
紅燒乳鴿
0 views
0 likes
0 comments
滷水鵝掌翼
1 views
0 likes
0 comments
茄子牛仔骨
0 views
0 likes
0 comments
椒鹽海中蝦
3 views
0 likes
0 comments
瑤柱肉鬆蒸水蛋
3 views
0 likes
0 comments
斑球炒西蘭花
0 views
0 likes
0 comments
豉油皇炒鵝腸
0 views
0 likes
0 comments
梅子蒸排骨
1 views
0 likes
0 comments
福建炒飯
2 views
0 likes
0 comments
麻婆豆腐加辣
1 views
0 likes
0 comments
咕嚕雞球
2 views
0 likes
0 comments
豉油皇炒麵
8 views
0 likes
0 comments
粟米魚肚羹
9 views
0 likes
0 comments
鹽焗烏頭
2 views
0 likes
0 comments
雞柳炒韮菜花
0 views
0 likes
0 comments
沙嗲金菇肥牛粉絲
2 views
0 likes
0 comments
魚香茄子
2 views
0 likes
0 comments
清蒸游水青斑仔
1 views
0 likes
0 comments
牛柳絲炒韮菜花
8 views
0 likes
0 comments
椒鹽雞軟骨
0 views
0 likes
0 comments
椒鹽牛柳粒
0 views
0 likes
0 comments
南乳炸雞翼
0 views
0 likes
0 comments
白灼東風螺
6 views
0 likes
0 comments
斑腩XO 醬炆伊麵
4 views
0 likes
0 comments
椒絲腐乳炒通菜
0 views
0 likes
0 comments
Post
