Greyhound Café (國際金融中心) (Closed)

Greyhound Café係ifc開舖，好多朋友都話要試，好似好巴閉咁~ 昨日咁啱係中環做嘢，於是捉埋同事仔一齊去tea一tea，試下係咪真係咁好食。 一去到就覺得好驚喜，因為環境好型，感覺年輕，半開放式設計好開揚。我同同事都鍾意香口食物，所以order咗佢地招牌單骨雞翼，同埋粟米蟹肉餅，當然唔少得一人一杯凍檸茶!單骨雞翼：細細隻咁，好香脆，又容易食，夜晚餸酒應該一流。粟米蟹肉餅：外貌普通，但食入口實在驚為天人，粟米味好濃，而且好脆，加埋甜酸醬食唔停口。凍檸茶：連啲冰都用檸茶來造，就算融咗味道都唔會變淡，唔怪得個個都話必試。兩個人食唔落其他嘢，但都特登問侍應攞咗本dessert menu來睇，見到d parfait好靚好想試；另外又見到佢地有早餐供應，有d賣相都幾特別，但好多都只限8-11am，希望下次有機會朝早過來中環順便試下。