Video
Read full review
2016-12-24
635 views
例行公事 豬小姐又去食最愛嘅日本菜啦！！！浜燒海鮮近排簡直係大行其道 越尼越受歡迎 豬小姐當然要潮食啦！今日揀左尼間新開嘅浜燒き Gogogo！地方就腳易搵 尖沙咀站出口一出即到了位於流尚坊四樓嘅浜燒き裝潢有著日本原始居酒屋獨有風味 有魚缸養海鮮 牆身掛著日本海產店旗布 比人舒適嘅感覺 亦好適合一班打工仔收工尼relax一番被安排坐於角落位置 自成一角 可以靜靜地享受同豬先生嘅二人世界 多麼好係時候講下食物啦灸燒平目魚邊沙律賣相討好 顏色配撘豐富 有沙律菜 蕃茄仔 牛油果 魚籽 平目魚邊 營養價值相當高選擇用日式沙律油做汁 加上黑魚籽 更顯健康 半生熟狀態嘅平目魚邊微爽 帶有嚼勁刺身五點包括有吞拿魚 帆立貝 劍魚腩 油甘魚及三文魚擺成三朵刺身花朵一般 擺盤上好有心思刺身全都新鮮厚切令人大感滿意 每日由日本空運返港 果然係唔簡單 最令人回味嘅係吞拿魚同劍魚腩 魚油感重 口感柔軟細嫩 魚脂味係口腔徘徊 豬小姐對此真的抗拒不了啊重點尼啦！二人前嘅特上浜燒盛合同樣有五款 帆立貝 廣島蠔 蟹肉蟹膏 鮑魚及海老盤上將海鮮排得滿滿的 十分豐盛 海鮮會由細心嘅店員放係熱爐上燒 名正言順坐係度影相等食首
浜燒海鮮近排簡直係大行其道 越尼越受歡迎 豬小姐當然要潮食啦！今日揀左尼間新開嘅浜燒き Gogogo！
地方就腳易搵 尖沙咀站出口一出即到了
位於流尚坊四樓嘅浜燒き裝潢有著日本原始居酒屋獨有風味 有魚缸養海鮮 牆身掛著日本海產店旗布 比人舒適嘅感覺 亦好適合一班打工仔收工尼relax一番
被安排坐於角落位置 自成一角 可以靜靜地享受同豬先生嘅二人世界 多麼好
係時候講下食物啦
灸燒平目魚邊沙律賣相討好 顏色配撘豐富 有沙律菜 蕃茄仔 牛油果 魚籽 平目魚邊 營養價值相當高
選擇用日式沙律油做汁 加上黑魚籽 更顯健康 半生熟狀態嘅平目魚邊微爽 帶有嚼勁
刺身五點包括有吞拿魚 帆立貝 劍魚腩 油甘魚及三文魚擺成三朵刺身花朵一般 擺盤上好有心思
刺身全都新鮮厚切令人大感滿意 每日由日本空運返港 果然係唔簡單 最令人回味嘅係吞拿魚同劍魚腩 魚油感重 口感柔軟細嫩 魚脂味係口腔徘徊 豬小姐對此真的抗拒不了啊
重點尼啦！二人前嘅特上浜燒盛合同樣有五款 帆立貝 廣島蠔 蟹肉蟹膏 鮑魚及海老
盤上將海鮮排得滿滿的 十分豐盛 海鮮會由細心嘅店員放係熱爐上燒 名正言順坐係度影相等食
首先燒嘅係帆立貝 加入清酒及醬油同燒嘅帆立貝散發酒香
為方便客人進食 會將肉身切粒 好窩心！口感彈牙 夠入味 記得連同精華所在嘅汁液一齊食！鮮味倍增
睇住廣島蠔係熱爐上慢慢發熱收縮 不加醬汁 原汁原味咁燒大感過癮 廣島蠔帶有偏咸卻濃郁嘅鮮味 不錯啊！
燒鮑魚係時間控制上要把握得宜 否則過熟會變韌 浪費本身食材 幸好今次嘅鮑魚係我入口時候仲係爽彈帶甘香 令人驚喜
海老好巨型 大大隻 店員將剛剛熟嘅虎蝦一分為四 分別為蝦頭 肉身同尾部 構圖上有美感 令人感覺店員十分專業
夠新鮮嘅蝦不需任何調味已經夠鮮美
蟹膏蟹膏加入鵪鶉蛋醬拌勻加熱後滲出邪惡誘人香氣
嫌單調的朋友仔可以用薄脆薯片伴食 不過豬小姐偏喜歡用匙羹大大啖咁放入口嚐鮮 認真滿足
係居酒屋必食的當然還有串燒啦！我地叫左幾串過下口癮豬先生食得比較多 豬小姐只有淺嚐 我不好肉肉嘛
豬小姐認為免治雞肉串幾得意 加入雞軟骨在內 口感有層次左 芝士鋪面 令雞肉串更顯香濃
豬先生則大力推介黑豚腩串及牛舌串 肉質細嫩 肉味濃而不膩
有趣位在於有個備長炭爐 可以比我地「偽」大顯身手一番 因為串燒本身已是熟的啦哈哈 好玩又有綽頭
今晚又是個飽肚滿足的晚上 但荷包血已出啦嗚嗚 為食好西究竟可以去到幾盡……
Post
