滿樂潮州 (東薈城名店倉)

Open Now

Now Closed

這日同朋友去大東山行山，行完山一齊去東涌好嘢食。 行咗成日大家都想搵一間餐廳坐得舒舒服服食番餐好嘅，俾我哋發現呢間新派潮州菜！入囗處有即點即煮區，頗有潮州地道風味。餐廳地方寬敞舒適，樓底極高， 疫情關係，枱與枱之間保持相當距離，碗碟全部經高溫消毒，食得安心！菜式豐儉由人，有名貴鮑魚套餐，有 經濟特色潮州小菜美食。椒鹽九肚魚 $78～香口鬆化，外脆內嫩鹹菜豬肚湯 $168～ 傳統潮州菜，豬肚軟嫩鹹香，材料份量十足，湯底鹹味適中！清湯蘿蔔牛筋腩煲 $128～ 牛筋腩及蘿蔔都軟腍入味，湯頭清甜，為了凸顯食材鮮味，烹調手法保持簡單。韭菜豬紅 $78～豬紅濃郁香惹， 輕盈軟滑， 風味濃厚！