新潮樓 (Closed)

想帶長輩出去食飯，所以想搵一間中菜館，聽朋友講九龍灣國際展覽中心開咗間新嘅潮州菜館，今日於是過嚟試吓。九展停車相當化算，電子消費滿$200即可免費泊車兩小時，食個飯啱啱好兩個鐘夠晒。潮州菜點少得佢嘅滷水，鵝腸夠爽口，豆腐夠入味，鵝片肉質夠靚，不過如果有滷水拼盤就更加好，可以食多幾款唔同滷水。食得多肉，想食多啲海鮮，叫左豉油王煎大蝦，大蝦係新鮮，肉質好實在，而且有陣好似美極既香味，長輩食過都話好食。中菜點可以少得個湯，鹹菜豬肚湯，胡椒味夠濃，但又唔會辣，豬肚夠嫩。