潮食閣 (Closed)

平日係葵涌廣場行街，間間小食都讓我目不暇給，真係排隊食都要排足幾個月先食得晒！今日去葵廣拎之前訂嘅衫，行入Top 世界立眼見呢間平日排晒隊嘅潮食閣人少少，口痕叫左一件極邪惡芝士拉絲棒同一客脆味炸鮮奶。上個月其實已經食過佢嘅炸軟殻蟹同炸薯格覺得好好味，對於佢嘅炸物都唔陌生。今次嘅芝士拉絲棒都唔例外，熱辣辣炸起咬落一拉芝士都唔斷，配埋沙律醬食好似無咁熱氣，不過我就係鐘意熱氣，唔配醬芝士味會更出，食都底係魔師腸，乜唔係停產咩，仲係呢隻味嘅，教我如何不愛他呢（註：樓下某一長龍小店嘅蜜椒腸仔已經換左其他牌子，傷心）。炸鮮奶唔係度度有得食，有時要酒樓餐廳炸去一大碟大大舊好懷舊下，雖然潮食閣嘅炸鮮奶細細舊，但係咬落唔係淨係得炸粉架，相反炸粉好薄，一咬鮮奶膏就衝出黎喇！點埋煉奶真係好肥又好好食呀！平時見人少少就好捉緊機會呀，唔會閒閒地等十幾廿分鐘架。