Casa Fina Seafood & Oyster Bar (Closed)

潮人潮興 hea 蠔吧，怎可少了我個份，身在銅鑼灣心血來潮想食蠔，朋友介紹試試 Casa Fina，因為 Casa Group 是蠔之專家，在銅鑼灣區有兩家餐廳，都只做蠔及海鮮。餐廳設計都幾潮，蠔吧可坐十人，面對多款鮮蠔，可以自己作主做tasting，食蠔如食魚生，要由淡至濃，蠔以海水味濃為最好，唔識揀，參考價錢都得。二人四款八隻蠔，我唔係專家，對我來講分別唔係好大，但食得出好新鮮，而且食得出海水的鹹味，第一款與最後的蠔后比，真係最後的最濃及鹹。朋友建議加二隻牡丹蝦，馬上擧手同意，日本蝦$70隻，唔貴。淨食蠔當然唔夠飽，加個濃郁醬汁的意粉及意飯各一個大家分食，蟹肉龍蝦汁長通粉及帶子墨魚汁意飯，見到都好似好滋味咁，兩款的汁不同，但收水好，唔會水汪汪，而且味道豐厚，飯粉軟硬道合適。