沐白小農 (Closed)

同幾個朋友啱啱去完荃灣Namco夾公仔，夾咗$300......銀包痛痛！喺果頭行下行下唔覺唔覺到咗夜晚啦喎，諗住買啲嘢飲下啦。點知就見到呢間沐白小農啦！未見過喎…喺港島區都唔覺有，大部分都係貢茶果啲。冇所謂啦！試下多啲新嘢都好。睇落好似推廣緊唔少款式嘅飲品喎，有個叫沐白告白日嘅好似幾有趣喎，不過我冇情人…算了。我啲frd叫咗沐白黑糖波霸鮮奶，佢係好鍾意飲珍珠奶茶的，去today買嘢飲佢都一定要另外再加珍珠……聽佢講呢杯唔會太甜，覺得啱啱好，而且仲係落黑糖叫做係健康啲咁啦。另外個frd就飲大甲芋頭鮮奶，佢話呢個係新產品，想試下好唔好飲。沖出嚟都幾得意，一層鮮奶一層芋頭泥，一層白一層紫咁。芋頭香味係足夠嘅，不過要攪勻杯嘢先。我就叫咗杯紅豆紅茶拿鐵。開頭飲落感覺有啲似飲緊紅豆冰，可能因為紅豆味都幾濃，而且我未攪勻。慢慢飲下紅茶嘅苦澀味都開始出嚟啦，又咁啱比紅豆啲甜味蓋過咗唔少，所以整體杯嘢唔會難落口。