潮味苑

Open Now

Now Closed

今日放工去了深水埗賣電腦配件，行完一輪終於搵到，但陪伴嘅朋友就不停話肚餓，在這裡絕對唔擔心搵食，不過周圍都好多人，人氣旺的要排長龍但不是我杯茶，本想行返去西九龍中心搵食，但見到這間潮式口味嘅餐廳，朋友望望就不等我入去了，當然這裡都有我喜歡嘅選擇，打冷係主打，但餐廳亦有其他選擇，先點了個招牌炸蠔餅，再加個清湯牛腩河，同埋鵝片飯，轉個頭份招牌炸蠔餅先上枱，大大份，蠔餅炸得十分香脆之餘，用嘅蠔亦十分肥美，唔會因為炸後變乾變細，配埋個魚露一齊入口味道更出，十分出色好味！而這個清湯牛腩河都十分大碗，清湯牛腩十分軟熟之餘，牛味濃郁，入口啖啖肉，而清湯湯底亦都十分好味，配上軟滑嘅河粉，加上這裡秘製辣椒油真係十分刺激好味！鵝片飯亦十分大碟，一片片壘得十分整齊放在香軟嘅白飯上，鵝片入口肉質嫩滑軟熟，加埋個蒜泥醋，個鵝肉味道更佳！慢慢品嘗美食時見到店內有好多廚師同不同客人嘅合照，十分親切，店員亦好有禮貌，雖然唔係一間太大嘅店舖，但仍然可以給客人一個舒服嘅地方品嘗美食，我們都真係要珍惜！