Video
Read full review
2010-11-22
9月17日, 未開業前見到佢呢個咁日本風嘅招牌已經好期待~ 然後得悉佢係以日式咖哩飯做主打更加心郁郁想試! 無奈佢開業無耐已經登上openrice top 10… 從此不論午、晚市門口都堆滿人龍, 無半粒鐘以上都唔洗旨意入座… 如是者今晚終於的起心肝抱住餓到凹嘅肚, 等咗成45分鐘, 終於試到啦~!!::: 鮮菇忌廉奄列咖喱飯 +餐湯 +迷你沙律 + 雪糕 + 凍檸茶 ::: $60 + $25主食加 $25 就可以配晒4款side orders~是日餐湯係洋蔥湯, 好似中式湯咁, 有dd洋蔥粒喺入面, 十足十公仔麵d味精湯喇… 不喝也罷… 迷你沙律都真係幾迷你, 但都有菜呀青瓜呀蕃茄同粟米粒咁~ d菜唔算好新鮮, 但撈埋芝麻沙律醬一齊食就味道都ok.鮮菇忌廉奄列咖喱飯淨係個碟已經好大, 搞到碟野好似好多咁… 令個蛋包飯成個火山爆發咁嘅外型更加澎湃! 好多咖喱汁, 質地係稀稀地嗰隻, 但唔好以為稀就等如淡wor, d咖喱味都幾勁, 有少少辣, 而且係好日本風味嘅~ 塊蛋皮都幾大塊, 而且夠嫩, 仲有少少蛋汁~ 撈埋咖哩一齊食真係無得彈! 成個飯嘅精粹靈魂一定係d忌廉菇!! 估唔到忌廉加
::: 鮮菇忌廉奄列咖喱飯 +餐湯 +迷你沙律 + 雪糕 + 凍檸茶 ::: $60 + $25
主食加 $25 就可以配晒4款side orders~
是日餐湯係洋蔥湯, 好似中式湯咁, 有dd洋蔥粒喺入面, 十足十公仔麵d味精湯喇… 不喝也罷…
迷你沙律都真係幾迷你, 但都有菜呀青瓜呀蕃茄同粟米粒咁~ d菜唔算好新鮮, 但撈埋芝麻沙律醬一齊食就味道都ok.
鮮菇忌廉奄列咖喱飯淨係個碟已經好大, 搞到碟野好似好多咁… 令個蛋包飯成個火山爆發咁嘅外型更加澎湃! 好多咖喱汁, 質地係稀稀地嗰隻, 但唔好以為稀就等如淡wor, d咖喱味都幾勁, 有少少辣, 而且係好日本風味嘅~ 塊蛋皮都幾大塊, 而且夠嫩, 仲有少少蛋汁~ 撈埋咖哩一齊食真係無得彈! 成個飯嘅精粹靈魂一定係d忌廉菇!! 估唔到忌廉加咖哩係可以咁好味~!! d鮮菇又正好為d軟淋淋嘅咖喱飯帶來爽口質感~ 好食到停唔到口!!
雪糕係曲奇同士多啤梨味~ ok wor 有士多啤梨粒添~
凍檸茶茶味夠濃~ ok啦~
::: 焗雞肉咖哩飯 ::: $70
焗咖哩雞肉飯真係好細兜! 起碼少蛋包飯1/3!! 個飯面加咗塊芝士, 又真係焗得幾香… 呢個咖哩色雖然白d… 但食落係比蛋包飯隻咖喱辣架wor! D雞肉份量就唔算多, 偶然食到一兩粒咁, 其實有少少似罐頭湯d雞粒… 但味道係唔錯嘅~ 總括黎講焗飯比較惹味, 但真係太細兜喇, 連女仔食完都應該唔會飽!
其實佢d材料味道都係唔算好一番… 但重點係佢d咖哩汁真係好好味! 另外再一提擺喺枱上任添嘅配菜, 好似蘿蔔咁但係有少少酸, 仲幾爽添! 加落咖哩飯度好好食, 我地食咗大半兜~ 咁嘅價錢食咖哩飯其實真係貴! 但貴得黎又真係覺得佢好食… 真矛盾! 會再返黎食嘅~ 不過就未必會加錢轉set喇!
Post
