Video
Read full review
2019-09-05
1710 views
之前成日經過山道都想入去試下，但覺得唔係幾抵食，所以一直到而家都尚未一嚐。但估都估唔到係佢竟然開分店，仲要開喺石硤尾😮，開頭諗完全格格不入喎，但原來位置係美荷樓隔離，所以可以食遊客同文青嗰水生意🤔。睇報導見到話今日(8月5日)係Grand Opening🎉🎊，諗住搏下有無啲新舖開張優惠，點知係無。另外亦有諗過喺呢區開店，定價會唔會低啲，點知都係我諗多咗...。不過同同事一齊食餐好嘅就無所謂啦，食下新嘢開心下☺️。估唔到新開張都咁爆場，差啲無位坐，其實餐廳用餐區唔細，但啲枱櫈擺位令到容納唔到咁多人，而且甚至唔夠櫈，我諗餐廳遲下應該要再計劃執執去。btw我哋坐咗喺中間張長木櫈，但唔知係咪太新關係，有啲木絲同碎突咗出嚟，差啲”慘”刺😣。另外背景播歌亦太大聲🙉。講返食物先，餐牌有2張，1張係飲品、1張係食物。飲品主要係奶昔Milkshake🥤，有分L同XL size，一杯最平都要成$52💰💰💰，感覺真係貴咗啲。食物主要就係三文治🥪同班戟🥞，大部份都配上大量嘅芝士🧀😍(芝士治)，價錢平均$6x-$7x一份，部份item更貴。我哋3個人叫咗2份三文治🥪、1份班戟🥞同3杯L奶昔share嚟食、乜都試下
之前成日經過山道都想入去試下，但覺得唔係幾抵食，所以一直到而家都尚未一嚐。但估都估唔到係佢竟然開分店，仲要開喺石硤尾😮，開頭諗完全格格不入喎，但原來位置係美荷樓隔離，所以可以食遊客同文青嗰水生意🤔。
睇報導見到話今日(8月5日)係Grand Opening🎉🎊，諗住搏下有無啲新舖開張優惠，點知係無。另外亦有諗過喺呢區開店，定價會唔會低啲，點知都係我諗多咗...。不過同同事一齊食餐好嘅就無所謂啦，食下新嘢開心下☺️。估唔到新開張都咁爆場，差啲無位坐，其實餐廳用餐區唔細，但啲枱櫈擺位令到容納唔到咁多人，而且甚至唔夠櫈，我諗餐廳遲下應該要再計劃執執去。btw我哋坐咗喺中間張長木櫈，但唔知係咪太新關係，有啲木絲同碎突咗出嚟，差啲”慘”刺😣。另外背景播歌亦太大聲🙉。
講返食物先，餐牌有2張，1張係飲品、1張係食物。飲品主要係奶昔Milkshake🥤，有分L同XL size，一杯最平都要成$52💰💰💰，感覺真係貴咗啲。食物主要就係三文治🥪同班戟🥞，大部份都配上大量嘅芝士🧀😍(芝士治)，價錢平均$6x-$7x一份，部份item更貴。
我哋3個人叫咗2份三文治🥪、1份班戟🥞同3杯L奶昔share嚟食、乜都試下，咁樣就承惠$388😳，一開始仲驚埋會唔會唔夠飽...。食咗先再算！由於餐廳係即時製作，所以落單後都要等一陣大約15分鐘到先有得食🍴。
首先緊係嚟份Signature Dish: CRAZY! CHEERS! CHEESE!，黐線芝士黐住芝士治($78)🥪。啲芝士超澎湃湧哂出嚟，配埋紫紅色嘅紅菜頭包(味就唔係好食得出有紅菜頭)，勁吸睛😎。芝士熱辣辣勁拉絲，但一定要快食，如果唔係芝士就會琼咗，爭好遠。味道就未到勁勁勁出色，但有咁多芝士好難會唔好食。
黐線芝士黐住芝士治
$78
95 views
0 likes
0 comments
另一份三文治🥪要咗CRANBERRY GRILLED CHEESE!自家製紅莓醬烤芝士治🍓($62)。呢份啲芝士就無咁多喇，但都好夠，而且食到紅莓醬味，甜甜咸咸都幾得意幾夾幾好食。呢款就係用返普通包，兩款三文治上面都有刨咗啲Parmesan Cheese👍🏻。
自家製紅莓醬烤芝士治
$62
87 views
0 likes
0 comments
三文治外，我哋都要咗一份班戟，POPCORN🍿 BACON🥓 PANCAKE🥞 WITH CARAMELISED🍯 BANANA🍌蜜糖煙肉香蕉爆谷美式班戟($80)。Pancake有兩嚿、煙肉有兩片、另有半邊焦糖面嘅香蕉(好好食)同一堆爆谷，再配上個楓糖漿，個配搭幾正。我feel到個糖漿真係唔同平日超市買到for bbq嘅蜜糖，無咁澀同搶喉，又無咁杰身👍🏻，甜度剛好。成份pancake因為有煙肉所以有咸味，但同樣地佢平衡到又咸又甜嘅感覺😊，我就幾鐘意，呢樣係比我想像中好食🤤。
蜜糖煙肉香蕉爆谷美式班戟
$80
91 views
1 likes
0 comments
奶昔方面，我哋要咗(1)皇者焦糖花生醬真脆煙肉CARAMEL PEANUT BUTTER “REAL” BACON🥜🥓(DAMN GOOD x10喎)、(2)香芋TARO同(3)美式青檸派KEY LIME PIE🍋。我三杯都有試哂，就覺得有點名過於實，唔係唔好飲，但未到咁驚為天人，唔太值呢個價，(1)(3)要$58，(2)就$52。佢有分L同XL size，XL加$10，但目測個份量差別只係好少。而且奶昔都厚身，所以L已經好夠飲，亦都好有飽肚感🙈。另外佢杯身有貼上啲自己整嘅惡搞貼紙，好搞笑(山寨不文米奇老鼠)🤣。
(1)皇者焦糖花生醬真脆煙肉就幾得意，又係有啲咸咸哋似海鹽嘅感覺，不過就食唔出係煙肉，但我自己麻麻哋呢杯，因為太重花生🥜醬味，我最討厭的食物。(2)香芋就比較大路，但好飲嘅，仲有啲芋頭肉添。個感覺都幾似香芋雪糕溶咗再溝奶咁樣哈😂。
(3)美式青檸派，呢個同想像中嘅味有啲唔同，因為我expect係濃啲同酸啲，青檸🍋味唔夠出，但都可接受嘅。飲飲吓會覺得佢有啲Yogurt乳酪嘅味，就係酸奶般。
題外話，餐廳不設加一，自己走去Cashier嗌嘢食，店員之後會送上，但對於送餐方面我有少少建議，而家店員係會行出嚟細細聲嗌嚟搵收據🧾號碼，但呢到無大大個號碼牌，而食客又未必為意張單，所以普遍都要行成個圈先送到食物。我建議不如整返啲餐枱號碼、或者店員大大聲🎤嗌個號碼，等食客自己出去拎會較有效率。
總括嚟講，今日終於一嚐呢間打卡食店，食物係唔錯，稍為比奶昔出色👍🏻，但價錢真係太貴，因為只係得一杯唔大嘅奶昔/一份三文治，連薯條沙律菜都無條🤷🏿♀️，不過係絕對值得一試嘅😋。雖然份量看似少，但食落一杯奶昔加食物係非常夠飽的。餐廳啱啱開業，所以運作同環境上都有改善嘅空間(上文所述)。希望餐廳可以越做越順，同埋間唔中做下用餐優惠就好喇，等我再嚟食下👍🏻。
Post
