全日點喫茶店 (Closed)

朋友介紹我去食既可愛料理餐廳，睇相初初覺得似係啲得個靚字但好難食既野，事實上係真係好靚，味道介唔算太差。叫左個熊仔二人餐，首先上個薯仔紅蘿蔔湯湯真係好真材實料同好飲，唔係味精，係住家湯，值得一讚。主菜係咖哩飯，配蛋同雞翼。問題黎啦，個咖哩汁又係得薯仔同紅蘿蔔。所以送白飯既咖哩又係澱粉質既薯仔同紅蘿蔔。配菜又係澱粉質既可樂餅同薯蓉。甜品亦都係澱粉既pancakes，仲有一粒芒果味既雪糕糯米糍。全餐既非澱粉食物就係個5隻整得好普通既雞翼，墊底既生菜，1粒比波子大少少既小紅茄，同一條手指尾咁大既腸。雖然係好澱粉，但整體都做得唔太頹，冇味精。服務就一般啦，主菜同甜品隔好耐，應該有成個鐘，中間waitor 唔識收野，上甜品先發現一枱都係碟好「呢hea」， 樓上cafe冇management 係咁架啦 。 兩位連野飲同加一一共326。食物質素黎講，真係唔抵，但靚，視覺享受餐。