Video
Read full review
2022-09-14
566 views
放咗半日假決定去將軍澳南慢慢嘆返個lunch relax吓估唔到平日都唔少人，雖然我未去到需要等位但係都有九成full，而且我食緊嘅時候時不時都會見到有人要等幾分鐘先有位。環境方面係簡簡單單幾舒服，still/sparking water 係self service，唯一就係啲枱嘅擺位有啲奇怪，擺到有少少迫，但係行嘅地方就好闊落，可能因為要就返啲梳化櫈。叫咗個all day breakfast慢慢食，啲蛋賣相都靚仔，食落就唔算好滑，有啲進步空間。煙肉煎到夠脆，合格。腸仔就正正常常啦，至於沙律佢有少少汁，食唔出係咩但係冇乜味。新鮮無花果夠晒fresh。potato gratin (我唔知佢中文叫咩），感覺好似落咗少少芝士，味道唔錯，調味啱啱好。Iced black, 雖然咁樣試其實已經淡咗好多，但係我覺得個味道都非常啱我，苦味同埋酸味都啱啱好，係香味唔算好夠，不過其實咁樣唔fair，因為始終沖淡左咁多，但係整體我係鍾意嘅。我仲專登買咗一pack capsules返屋企認真啲試吓。整體嚟講佢嘅嘢食同埋咖啡都唔錯，環境都算係好舒服，非常適合休閒嘅上午或者下午。$148一個all day br
估唔到平日都唔少人，雖然我未去到需要等位但係都有九成full，而且我食緊嘅時候時不時都會見到有人要等幾分鐘先有位。
環境方面係簡簡單單幾舒服，still/sparking water 係self service，唯一就係啲枱嘅擺位有啲奇怪，擺到有少少迫，但係行嘅地方就好闊落，可能因為要就返啲梳化櫈。
All day breakfast
$148
61 views
0 likes
0 comments
叫咗個all day breakfast慢慢食，啲蛋賣相都靚仔，食落就唔算好滑，有啲進步空間。煙肉煎到夠脆，合格。腸仔就正正常常啦，至於沙律佢有少少汁，食唔出係咩但係冇乜味。新鮮無花果夠晒fresh。potato gratin (我唔知佢中文叫咩），感覺好似落咗少少芝士，味道唔錯，調味啱啱好。
Iced black
6 views
1 likes
0 comments
Iced black, 雖然咁樣試其實已經淡咗好多，但係我覺得個味道都非常啱我，苦味同埋酸味都啱啱好，係香味唔算好夠，不過其實咁樣唔fair，因為始終沖淡左咁多，但係整體我係鍾意嘅。我仲專登買咗一pack capsules返屋企認真啲試吓。
整體嚟講佢嘅嘢食同埋咖啡都唔錯，環境都算係好舒服，非常適合休閒嘅上午或者下午。$148一個all day breakfast雖然都唔平，但係我覺得我會再嚟。
Post
