Video
Read full review
2021-01-11
71 views
老公話佢返工附近有間一人一鍋，任食火鍋好抵，呢幾日凍凍地老公即刻帶我去試吓地方非常乾淨，寬躺舒適，設有四人大卡位，空間感十足，服務員態度非常好，量體溫，消毒雙手後就帶我哋入坐今次我哋揀咗澳洲M6和牛放題套餐，除咗澳洲M6和牛之外，仲有頂級黑牛肩脊、特級雪花牛板腱、極上安格斯小牛排、日本黑豚腩肉、日本豚肉，另外仲有超過30款火鍋配料任食任飲我哋揀咗麻辣鍋同美顏花膠鍋、唔係剩係得湯水㗎，兩個湯底都真材實料，麻辣鍋好惹味。漿料、飲品、各式火鍋配料、蔬菜、羅宋湯、飯雪條等都係出邊自取，一定要讚下個羅宋湯，非常足料，好濃郁，我都忍唔住飲咗幾碗火鍋配料特別喜歡鴨血同牛柏葉，牛柏葉煮完唔會縮埋一舊亦都唔韌，鴨血加辣麻辣湯就啱晒至於牛肉，真係每一款肉質都好正，CP值好高，如果真係要揀我就最鍾意澳洲M6和牛同特級雪花牛板腱，雖然佢每一碟得四五片，但一落單好快就會送上枱，而且一張單都冇漏。雖然食到好飽，但係最後都食多兩支韓國雪條，真心推薦非常抵食
地方非常乾淨，寬躺舒適，設有四人大卡位，空間感十足，服務員態度非常好，量體溫，消毒雙手後就帶我哋入坐
今次我哋揀咗澳洲M6和牛放題套餐，除咗澳洲M6和牛之外，仲有頂級黑牛肩脊、特級雪花牛板腱、極上安格斯小牛排、日本黑豚腩肉、日本豚肉，另外仲有超過30款火鍋配料任食任飲
我哋揀咗麻辣鍋同美顏花膠鍋、唔係剩係得湯水㗎，兩個湯底都真材實料，麻辣鍋好惹味。
漿料、飲品、各式火鍋配料、蔬菜、羅宋湯、飯雪條等都係出邊自取，一定要讚下個羅宋湯，非常足料，好濃郁，我都忍唔住飲咗幾碗
火鍋配料特別喜歡鴨血同牛柏葉，牛柏葉煮完唔會縮埋一舊亦都唔韌，鴨血加辣麻辣湯就啱晒
至於牛肉，真係每一款肉質都好正，CP值好高，如果真係要揀我就最鍾意澳洲M6和牛同特級雪花牛板腱，雖然佢每一碟得四五片，但一落單好快就會送上枱，而且一張單都冇漏。
雖然食到好飽，但係最後都食多兩支韓國雪條，真心推薦非常抵食
Post
