名捌月 (Closed)

同朋友約左喺荃灣食飯，於是就上網睇下有咩餐廳介紹，見到呢間西餐廳評價幾高。餐廳唔算大，但佈置幾舒服，俾人一種乾淨舒適嘅感覺。我叫左個澳洲M6和牛西冷（$398），塊扒好大塊，份量真係好足。我叫左5成，切開仲係粉紅色嫁，冇乜血水，和牛不愧為和牛，牛味好重同好稔。餐湯我轉左龍蝦湯，個湯味道都濃，而且又有龍蝦肉，唔錯。餐飲叫左個水蜜桃果醋，呢個飲品係老板介紹嘅，我覺得好飲嘅，果醋嗰種酸味有助消滯，因為塊扒實在太大塊，又唔想浪費食物，所以都盡量食矖佢。整體黎講呢餐好滿足。