濠餐廳

Open Now

Now Closed

之前去過麗豪酒店食過幾次晚飯都唔錯，今次去到3樓嘅「濠餐廳」試試「澳．葡美食自助晚餐」。全晚最受歡迎一定係葡式烤焗乳豬。次次原隻出都好快俾人拎晒。豬皮焗到脆卜卜，啲肉又滑。有時同羊架交替出，質素都唔錯。即切嘅西冷都幾好，肉質好嫩，個醬汁幼滑又幾香。冷盤海鮮嘅選擇唔少，長腳蟹就最吸引。蟹腳大隻又鮮甜，質素好高。熱盤方面有咖喱雞、上海粗炒、泡菜炒飯等等。甜品嘅選擇都唔少，有Movenpick雪糕、蛋糕，布甸。特式啲嘅有蒲撻、焦糖燉蛋。7:45左右仲有火焰雪山蛋糕。夜啲有一枱一個朱古力火鍋😆。