梁慶記

Open Now

Now Closed

我有好耐無去過澳門啦～點解？因為性價比低 😀 去2日1夜同飛一轉差唔多價錢，我做咩唔搭飛機要過大海先 🤣 。不過又咁講，我都掛住澳門食物嘅，好彩香港都有澳門名店食下姐。無錯～ 仲要係連續拎左幾年米芝蓮街頭美食。蝦籽牛筋腩撈麵（$68）呢個全蛋麵就係令佢拎米芝蓮嘅主因啦～ 第一口係有驚艷到嘅，彈牙無水味，蝦籽份量多，牛筋腩炆得入味。籠仔雲吞（$28）、籠仔腩汁菜心（$22）呢度有唔少小食，都好值得一試。蓋仔雞扒蛋撈飯（$64）呢個飯最特別之處係另外會俾一碟咖哩同醬油，按自己口味去沾上雞扒，唔好睇小個咖哩，都幾香。📍梁慶記 (旺角)旺角豉油街74號地舖。