亞蘇爾 (形點) (Closed)

去元朗行山行完已經是下午時間，再加上依家六點後無堂食，同朋友拿拿臨搵間餐廳醫肚，係Yoho mall見到較少食嘅澳門菜諗起近三年都未食過，決定齊齊懷念一下葡國菜的味道。食葡國菜必點一定係葡撻，送上枱時仲熱辣辣，外脆內嫩！2人食最岩就係叫特色小食拼盤，可以試到好多款式，有芝士馬介休薯球、墨魚球、辣蝦柚子沙律、芝士脆豬包，全部味道也不錯！嚟到主菜叫左非洲雞拼乳豬件，非洲雞用了秘製醬汁醃製，味道惹味令人一試再試！乳豬烤得外皮非常脆，是半肥瘦，咬落去好juicy。帶子鮮蝦紫蘇忌廉汁闊條麵，中規中矩的一道菜，蝦肉數量多，闊條麵好creamy！