Video
Read full review
2022-12-04
408 views
油麻地站一出，就見到有間轉角小店大排長龍，唔同年齡層嘅顧客都有。❣️大吃大喝❣️係最近好多人推介嘅三文治外賣專門店，主打超厚又爆餡嘅三文治，超多款式選擇。除咗三文治之外，仲有鹽酥雞、手抓餅、手撕雞飯等菜式，淨係睇門面嘅菜單都睇到花多眼亂，唔怪得咁受歡迎💗𝗕𝘂𝗯𝘂推介🔥👍 勁芫茜滑蛋三文治將芫荽加入三文治，都真係好少見嘅配搭。滑蛋炒得好好，又Creamy又有蛋香，加埋超厚嘅白麵包，每一啖都超有層次感。我仲私心加咗羽衣甘藍，呢個配搭一百分❣️👍 芋泥肉鬆三文治呢個配搭充滿咗台式感覺，芋泥微甜帶弓芋頭香，咬落仲有少少芋頭粒。而肉鬆份量一啲都唔少，入口鬆脆，滿口肉鬆香。加埋一齊好夾，而且份量一啲都唔孤寒，大滿足😳👍 鹽酥雞鹽酥雞即叫即炸，一拎到手已經聞到超香，忍唔住要偷食幾粒。酥香嘅外皮微辣，入面雞肉嫩滑有肉汁，一啖一粒唔小心就食哂成包。📍大吃大喝 @guzzlehk 油麻地窩打老道9-11號榮德大厦西翼地下A2-A3號舖
油麻地站一出，就見到有間轉角小店大排長龍，唔同年齡層嘅顧客都有。❣️大吃大喝❣️係最近好多人推介嘅三文治外賣專門店，主打超厚又爆餡嘅三文治，超多款式選擇。除咗三文治之外，仲有鹽酥雞、手抓餅、手撕雞飯等菜式，淨係睇門面嘅菜單都睇到花多眼亂，唔怪得咁受歡迎💗
𝗕𝘂𝗯𝘂推介🔥
👍 勁芫茜滑蛋三文治
將芫荽加入三文治，都真係好少見嘅配搭。滑蛋炒得好好，又Creamy又有蛋香，加埋超厚嘅白麵包，每一啖都超有層次感。我仲私心加咗羽衣甘藍，呢個配搭一百分❣️
👍 芋泥肉鬆三文治
呢個配搭充滿咗台式感覺，芋泥微甜帶弓芋頭香，咬落仲有少少芋頭粒。而肉鬆份量一啲都唔少，入口鬆脆，滿口肉鬆香。加埋一齊好夾，而且份量一啲都唔孤寒，大滿足😳
👍 鹽酥雞
鹽酥雞即叫即炸，一拎到手已經聞到超香，忍唔住要偷食幾粒。酥香嘅外皮微辣，入面雞肉嫩滑有肉汁，一啖一粒唔小心就食哂成包。
📍大吃大喝 @guzzlehk
油麻地窩打老道9-11號榮德大厦西翼地下A2-A3號舖
Post
