丼瀛 (Closed)

好開心又到周圍搵食嘅時間，今日去搵日本嘢食，聽講話呢間嘢都新鮮，特別有幾靚嘅鰻魚飯，專登嚟試吓首先有呢個蕃茄豆腐沙律，豆腐非常滑， 夾埋溫室蕃茄一齊食，少少胡麻醬，非常開胃喺度食日本嘢當然要叫啲壽司，叫咗呢個九點壽司，吞拿魚等都幾新鮮，特別欣賞帶子大大塊，同埋松葉蟹蟹肉蟹膏軍艦，半份蟹膏，半份蟹肉，雖然係軍艦，但竟然都非常新鮮，無偷工減料，蟹膏香味十足嚟到主菜蒲燒完條鰻魚丼，唔好睇佢咁嘅樣，極度大條，大大碗飯都遮得住，而且都幾厚肉，廚房攞出嚟啱啱燒好，夠香又夠滑最後仲有呢個幾特別嘅魚皮蝦餃，入面就好似酒樓嘅蝦餃咁，外面係脆皮包住，應該係魚皮？幾得意嘅小食，可以再試