萬利小食店

Open Now

Now Closed

下午差不多4點，帶囝囝睇完醫生，竟然彈出句未食午飯，攪乜鬼，原來想儲錢買智能電話，即時激到暈左一半，有時候小朋友既想法真係難以置信。即時拉去附近食碗麵。萬利在大埔多年，門口賣報紙雜誌，車仔麵一向味道不錯，自己都經常光顧。望望牆上水牌，點了油麵底，另加豬腸、菜心及豬皮，已經要$28，今時今日，食碗車仔麵的價錢頂得上一餐包飲品既套餐。油麵略嫌有鹼水味，但不嚴重，豬腸炆得夠腍及入味，要推薦，豬皮夠爽口，原因是未炆得夠時間。囝囝倒吃得開心，梗係，飯由老豆請，錢就自己袋，激死。