塔門仔海膽燒 (Moved) New Location

大家如果平時假日有出開去郊遊的話,相信應該會有去過塔門,而去過塔門既朋友,應該對塔門既海膽唔會陌生啦,如果唔知既話,大家可以睇下小弟對上個一編激烈的海膽食評,好啦,如果大家對塔門既海膽念念不忘又想食多次,但又唔想入塔門的話,今次就同你地分享下呢間位於佐敦既塔門仔海膽燒,無錯,相信應該係住塔門既原居門衢出家園開鋪比大家試下塔門特產啦,當然點會小得小弟既大食王小胖女既同行呢?餐廳係串燒店形式,劃紙仔點餐,我地就叫左4個串燒同一個主食,仲有就係塔門好出名既凍奶茶,首先係燒牛仔骨,份量唔多,但好多肉汁,燒汁都非常好味之後就係原條燒栗米,基本上我地次次叫串燒都會叫既菜式,賣相同味道都非常好,然後就係塔門既特色出場啦,海膽大啡菇同海膽汁焗扇貝,當然唔喜歡食海膽既朋友食落會好猩,但我地又點會錯過呢,大啡菇好多隻,切開後海膽汁芝士會合埋一齊食真係好正,扇貝更加唔洗講野,入口就有好濃既海膽味,扇貝本身都好大粒,再黎我地叫左個海鮮炒烏冬,非常足料,配料有原隻青口X2當然最後唔小得係至出名既凍奶茶啦,入口好滑,同係當日塔門飲既口感一樣,可惜太細支,我地兩位一齊就飲哂想重溫塔門風味的話,黎佐敦就可以搵到啦