摩豆 (Closed)

行完街，經過人氣店雞蛋仔店摩豆，呀仔話好想食雞旦仔，好啦，有排未夠鐘dinner，就買一底黎試一試。 店外擺放一大塊menu, 仲有一個大轉輪，岩哂我個百厭星仔仔邊轉邊等。問准小老闆，小人立馬買返個老闆最愛原味古古力雞旦仔。不虧為人氣小店，下雨天，買飛後都仲有10張飛要等。等等下，有啲口渴，立刻追加一杯少糖班籣烏龍。10分鐘後，終於有得食，同menu 有少許唔同，睇相以為是每粒雞旦仔內有古古力醬，實物原來係雞旦仔漿加左古古力粒。雞旦仔本身味道偏甜，甜得小老闆都有點受不了。21蚊買一底只是約略加左古古力粒的雞蛋仔，好似有啲貴。不久我的斑蘭烏龍也到手, 小許清香斑蘭味，烏龍味淡淡。有時間的話，我還是想去對面街買。