渝人碼頭 (Closed)

呢排灣仔咁多活動，同朋友行完會展就緊係附近揾食，朋友話好想食辣於是就揀左呢間四川火鍋店—渝人碼頭。舖面其實唔大的，但勝在環境都唔錯，坐得舒服。餐前小食都激辣！聽人講佢地麻辣就真係好辣，所以我地揀左個雙拼，配左松茸鍋。就咁睇都覺得好辣，成個鍋都舖滿左辣椒、花椒，好足料！如果怕辣既話建議撈走少少辣椒，因為個湯底會愈煮愈辣的。醬料BAR有成15款比你揀，無限配搭！食物選擇都算幾多，仲有黃喉、黑毛肚同鵝腸，我朋友見到好開心呢。Menu好貼心都有建議既時間，而且好多都可以點半份，好岩乜都想食既我地。黃喉同鵝腸都好爽口彈牙呢。雖然佢地冇響鈴提供，不過就有代替品既炸腐竹，都幾脆，煮一陣就食得，幾特別呢。肉類就點左本地牛舌薄片同霸王嫩牛肉，霸王嫩牛肉放落麻辣湯底到煮，真係辣到想哭了。我第一次食到既蛋餃，個皮既感覺好似蛋包飯層皮，都幾特別。最後甜品係紅糖糍粑，外脆內軟糯，不錯。