茶芝味 (Closed)

一早同閨蜜約好黎葵廣掃街就已經好期待要黎飲茶芝味喇！個人不嬲都好愛飲奶蓋，不過就唔係間間都好好味，但茶芝味既奶蓋好濃厚，真係名乎其實係我杯茶！所以同閏蜜一黎到第一站就去買喇！今次我嗌咗茶芝味高山綠茶，閏蜜就嗌咗茶芝味奶茶，大家都少甜少冰！我果杯第一啖就飲到啲奶蓋喇，濃濃芝士味非常咁滿足，高山綠茶第一下入口會覺得比較清，少少甜帶有茶香，好岩掃街食完啲油膩或熱氣野後飲；閏蜜果杯茶芝味奶茶個味道就豐富啲，如果空口飲會覺得依杯好飲啲，但飲耐左同配埋啲小食飲就可能會有啲啲漏喇！所以兩杯各有各好飲既，不過今次見到閏蜜自備咗手挽杯套方便啲又環保，等我都買番個，下次黎繼續幫襯，掃街就多隻手食野喇！