Video
Read full review
2022-09-27
1416 views
西日Fusion🧀足料芝士燴飯🦀極鮮蟹肉蟹籽意粉！-位於銅鑼灣旺區小巷中，結合Cafe同清酒串燒料理，主打西式日系Fusion菜，除咗擺盤非一般精緻，由Cafe到串燒，餐牌選擇之多都令田中驚訝。而且重點係，價錢唔貴之餘，唔少菜式都係自家創作，手工製作而唔係現成入貨，出邊都食唔到，可見小店嘅匠心同認真。-🦐泰蔭功海鮮芝士燴飯 ($98)英文名叫Jasotto，意大利飯做法，但用上日本米，加入濃厚芝士，啖啖芝士香，同時冬蔭功又酸酸辣辣，邪惡得黎又開胃。🍝蟹籽香辣蒜片鮮蟹肉意粉 ($98)近期限定嘅鮮蟹料理，用上時令當造嘅日本蟹，配上海量蟹籽，鮮味十足，蒜片辣炒至乾身，香口惹味。🦀燒日本蟹足 配清酒海鮮泰汁 ($108)同樣係限定鮮蟹料理，蟹足大大件，肉嫩而鮮甜，配上自家調製嘅清酒泰式辣汁，完全令人食上癮。🦪爐燒金蠔 ($68)必叫之一，同樣少有地用上生曬金蠔，蠔味濃郁，飽滿鮮甜，配上濃甜醬汁同嫩本菇，值得一試。🥓日本泡菜脆脆巴馬臣芝士 (3件 $68)🧀雙重芝士焗薯條 ($58)兩款芝士控必食，惹味泡菜中和脆芝士膩感，而焗薯條睇相都見，拉絲邪惡得誇張。🍗燒鳥串燒盛盒 ($148)- 免治雞
-
位於銅鑼灣旺區小巷中，結合Cafe同清酒串燒料理，主打西式日系Fusion菜，除咗擺盤非一般精緻，由Cafe到串燒，餐牌選擇之多都令田中驚訝。
而且重點係，價錢唔貴之餘，唔少菜式都係自家創作，手工製作而唔係現成入貨，出邊都食唔到，可見小店嘅匠心同認真。
-
🦐泰蔭功海鮮芝士燴飯 ($98)
英文名叫Jasotto，意大利飯做法，但用上日本米，加入濃厚芝士，啖啖芝士香，同時冬蔭功又酸酸辣辣，邪惡得黎又開胃。
🍝蟹籽香辣蒜片鮮蟹肉意粉 ($98)
近期限定嘅鮮蟹料理，用上時令當造嘅日本蟹，配上海量蟹籽，鮮味十足，蒜片辣炒至乾身，香口惹味。
🦀燒日本蟹足 配清酒海鮮泰汁 ($108)
同樣係限定鮮蟹料理，蟹足大大件，肉嫩而鮮甜，配上自家調製嘅清酒泰式辣汁，完全令人食上癮。
🦪爐燒金蠔 ($68)
必叫之一，同樣少有地用上生曬金蠔，蠔味濃郁，飽滿鮮甜，配上濃甜醬汁同嫩本菇，值得一試。
🥓日本泡菜脆脆巴馬臣芝士 (3件 $68)
🧀雙重芝士焗薯條 ($58)
兩款芝士控必食，惹味泡菜中和脆芝士膩感，而焗薯條睇相都見，拉絲邪惡得誇張。
🍗燒鳥串燒盛盒 ($148)
- 免治雞肉棒2串、鹽燒雞軟骨2串、汁燒雞腎、手羽燒2隻、月見蛋 (+$8)
據聞每枱必叫，因為真係太抵食，功架十足嘅燒鳥串，其中自家雞肉棒 可以配上醉月見蛋汁，田中真係連蛋汁都飲埋。
🍵Kurome De La Crème Green Tea ($42)
🍹Rose Lychee Soda ($38)
作為Cafe同居酒料理嘅混合，除咗必試鮮製嘅濃厚奶蓋、自家靚豆咖啡同清酒外，仲有咖啡同酒嘅結合 - 自家冷泡咖啡燒酎，酒中散發淡淡啡香，真係呢到先有。
Post
