No Milkshake No Life (山道)

Open Now

Now Closed

位於西環嘅特色小店，一聼個名已經覺得好吸引。喺香港確係好難飲到高質素嘅奶昔，而且呢間店嘅拉絲芝士賣相極其吸引，於是我同朋友慕名而黎。一出香港大學地鐵站就見到，因爲假日所以都好多人等位。店鋪細小，座位唔多，而且入面坐的好逼，所以我地決定外賣自取。外賣唔算等好耐，收到食物後，就懷著興奮嘅心情去享用！呢個「黐線芝士黐住芝士治」真係好黐線！！拉絲能力好强！而且芝士好香口，唔會好油膩，真係幾推薦!不過麵包邊真係好快乾至硬身，要儘快食用。「美國西冷牛扒炸薯條」賣相亦都相當誘人，只可惜味道麻麻。好多茶餐廳比佢更好食。另外，亦有叫到一杯「鮮雜莓」奶昔，味道唔會死甜，不過莓味唔濃，感覺較爲一般。總體黎講，招牌奶昔真係十分推薦！芝士拉絲迷絕對會覺得好滿足！可惜牛扒薯條令人失望，服務態度亦有待改善。價錢方面偏貴，而且鋪面太細，環境好一般。都係食一次，朝個聖，打下卡就足夠。