功德林上海素食 (世貿中心) (Closed)

每個月有幾日會食下齋，咁啱又見到foodpanda有自取優惠，所以就叫個外賣黎食啦。以下價錢為foodpanda折扣前價格。咕嚕肉（$118）外面層炸粉同整體味道都好似咕嚕肉，食落都幾甜，係偏濃味嘅。一咬開就會見到原來係菇黎，份量適中，不過都係覺得有啲貴。茄子南瓜排骨煲（$96）一眼見到茄子、南瓜、菇同炸豆腐，所以以為啲豆腐就係「排骨」，點知食落先見到有四舊「肉」係底。啲肉食落都幾香口同有口感，成個煲材料豐富幾抵食，有驚喜。回鍋肉炒年糕（$96）見到排骨煲入面有素排骨，所以以為回鍋肉都會有素肉，不過食落就真係得年糕、椰菜、菇、青椒同辣椒。食落都幾濃味同油膩，相對之下比較普通，價錢偏貴。苔菜松子炒飯（$96）松子炒飯嘅份量大概有兩到三小碗左右，食落都係偏油嘅。松子唔算多，白飯就粒粒分明，整體黎講係不過不失。上海粗炒麵（$96）粗麵好有咬口，幾好味。配料方面就淨係得椰菜同少少白菜仔，略顯有啲單調。整體黎講啲餸都係份量適中，偏濃味同油膩嘅，如果偶爾想食下啲似肉嘅素菜都可以一試。7折完之後會抵食啲，但如果按照原價嘅話就有啲貴啦。