豚道樂 (百合苑商場) (Closed)

來到黃埔的9號水產，但刺身壽司等等都唔食得，唯有食拉麵，過下口癮。小店的門面都幾吸引。拉麵店來講，內裏環境算乾淨舒適。落單係自助形式，甚具風味。拉麵湯底大概有十款，而追加的小食亦有十多款。選擇算係好豐富。涼浸浸的提子汽水，為大家增加了食慾。我選擇咗原味的湯底，豬骨味道果然好濃郁，值得一讚！但湯底都比較杰身，偏油膩，適合重口味的朋友。食開清淡的朋友，就要留意一下了。麵條質感亦唔錯，彈牙有咬口。標準拉麵中亦有唔少配菜，個叉燒好好味。朋友仔就叫咗Wasabi湯底，豬骨濃湯中，更添一份惹味。追加的小食份量非常之大份， 好抵食，大胃口的朋友絕對要追加。小食當中的炸物幾出色。食物分量夠、價錢合理，值得光顧的。