火五越式牛肉粉專門店 (華生樓) (Closed)

星期日就緊係要出街周圍搵下好野食先，今日決定同屋企人去太子行下街。太子周圍都好多嘢食，天氣濕熱食越南野就啱哂去到越南鋪頭我最中意就係食火車頭，貪佢乜嘢餸都有齊哂，真係一次滿足哂我嘅願望。今次都唔例外我都要左碗 火車頭 ， 濃郁的既湯底配埋滑溜既河粉，生牛肉同牛腩有肉香，和牛牛丸彈牙多汁，仲有札肉，相當豐富！另外太太就嗌左越式胡椒豬肚湯檬粉，湯底有胡椒香但唔太辣，味道都幾夾，而且有好多酸菜同埋豬肚，滿足到佢。另外我地仲買咗嗰黃金蝦球，脆漿脆口掛汁，咸蛋黃醬濃厚量多，蝦肉仲好彈牙，5隻差d唔夠食。食得越南野緊係要叫埋越南三色冰啦，椰漿同粉條既配合可以庇美珍珠奶茶。