神虎拉麵 (Closed)

星期日, 同友人11:45am 到, 不用等, 內有3位客人, 12點後開始客滿, 之後間中開始有人龍.店員有禮, 講解下單詳情, 餃子係自家製, 但我地怕食唔哂冇叫. 最後岩岩好完成拉麵, 女仔夠哂飽.我地坐bar台, 台下有小勾可以掛袋, 很方便.- 神虎拉麵 ($ 83) : 先試個用大量豬骨及蔬菜煲左12個小時既濃豬骨湯, 好濃郁帶魚介既咸香味, 個湯有豬肥高但唔算油膩, 反而咸味重. 我個人比較喜歡重味, 因為配拉麵就平衡到. 拉麵我揀左粗麵, 因為怕沙狩熱食得慢, 粗麵就唔會甘快淋.叉燒食瘦叉, 也是我喜歡的. 難得瘦叉做到鬆化軟熟, 入口都唔使點咬, 最重要係食完唔會痴牙.糖心蛋, 蛋黃唔夠糖心, 過熟左少少, 但都算滿意, 因為夠味, 而且有蛋香.順帶一提, 拉麵食到一半開始膩的話, 可以落點醃芽菜非常爽脆, 帶有辣味同少少酸, 伴著拉麵食, 好快完成見神虎大字