Video
Read full review
2022-05-01
377 views
濃湯雲吞雞的奧義 前幾天，去到土瓜灣搵食，好想食大大件嘅肉，咁啱見到門口午餐牌有$52雲吞雞，圖片顯示半隻雞浸係度，好吸引，就膽粗粗第一次入去食。 叫完等上菜都等了超過10分鐘，內心諗：「呢間廚師都幾用心製作喎，咁耐嘅」 午餐到來，真係嚇一跳，然後得啖笑😅第一時間在餐牌上「找相同」......點睇都係差好遠，個主角係半隻雞，或者俾隻雞髀都好吖，點知得3舊有骨雞件。因此決定膽粗粗問店員：「點解....實物同餐牌張相差咁遠嘅？？」 店員隨即回應：「呢個價錢係咁架啦！」 我：「..........」，然後心想：「到底我要硬食，還是有其他選擇？！」跟著，我上網了解吓咩係違反商品說明條例，發現表面證據有哂。我最後決定一啖都唔食，就同店員講：「呢個餐我懷疑你們違反商品說明條例，餐牌圖片顯示6粒雲吞+似係半隻雞（露出個雞髀），點知個餐實際係4粒雲吞+3舊雞件（骨佔約6成），真係差好遠喎」 店員隨即回應：「呢個價錢係咁架啦....」(佢聽到可能違法，覺得佢個眼神有D愜） 我話：「如果$52真係咁，唔係問題，餐牌張相顯示番實況就得，如我入嚟前睇到呢個「真相」，我就唔會入嚟食，會有其他選擇」 店員回應：「
前幾天，去到土瓜灣搵食，好想食大大件嘅肉，咁啱見到門口午餐牌有$52雲吞雞，圖片顯示半隻雞浸係度，好吸引，就膽粗粗第一次入去食。
叫完等上菜都等了超過10分鐘，內心諗：「呢間廚師都幾用心製作喎，咁耐嘅」
午餐到來，真係嚇一跳，然後得啖笑😅第一時間在餐牌上「找相同」......點睇都係差好遠，個主角係半隻雞，或者俾隻雞髀都好吖，點知得3舊有骨雞件。因此決定膽粗粗問店員：「點解....實物同餐牌張相差咁遠嘅？？」
店員隨即回應：「呢個價錢係咁架啦！」
我：「..........」，然後心想：「到底我要硬食，還是有其他選擇？！」跟著，我上網了解吓咩係違反商品說明條例，發現表面證據有哂。
我最後決定一啖都唔食，就同店員講：「呢個餐我懷疑你們違反商品說明條例，餐牌圖片顯示6粒雲吞+似係半隻雞（露出個雞髀），點知個餐實際係4粒雲吞+3舊雞件（骨佔約6成），真係差好遠喎」
店員隨即回應：「呢個價錢係咁架啦....」(佢聽到可能違法，覺得佢個眼神有D愜）
我話：「如果$52真係咁，唔係問題，餐牌張相顯示番實況就得，如我入嚟前睇到呢個「真相」，我就唔會入嚟食，會有其他選擇」
店員回應：「呢個價錢係咁架啦.....咁你想叫其他咩餐呢？唔保證份量㗎喎」
我回應：「我飲咗凍奶茶，只係俾番呢杯茶錢（$15），餐飯我無食唔會俾錢，也唔想叫其他嘢食，因為實在太離譜」跟著俾完茶錢就走。
自問對食物款式和味道都好包容，呢次真係包容唔到。
Post