Villa Villa Burger (Closed)

過海搵朋友👫，黎個勁chill路邊burger dinner.天氣轉熱，有點風就想坐下路邊享受自然風了。呢間氣氛唔錯，雖然得一枱，不過普遍見係做外賣🥡單，坐一陣唔會同人爭既😀店面小小，但五臟俱全。兩個小女生，今次食得哂架！手打蝦餅漢堡此漢堡樸實而不造作，蝦餅厚實而帶有少少🤏蝦汁，唔會煎到太乾身而失去水份，厚切亦是有誠意表現之一呢，墨魚汁麵包真係無得頂，店家每日自家製，如此心思仲有邊度有呢？！特選美國牛肉漢堡同上面蝦餅相比，呢個漢堡夠哂華麗又豐富，口感✅、味道✅、層次✅，由咬開彈肉汁、仲食到bbq sauces、cheese、生菜同蕃茄既汁…加上牛肉非常之新鮮，無任何雪藏味、腥味等，肉汁鮮嫩，yum yum😀薯條🍟唔使評價啦，因為都係配返高質漢堡蒜香炸雞翼呢份雞翼真係好好味呀，就咁睇好似無咩特別，一般炸雞翼炸到外表乾身咁，但呢款雞翼咬開係彈肉汁架，同埋雞翼肉質好鮮嫩，總之就係一流啦！點鮮話呢度人情味濃？因為我地堂食期間有街坊會走過黎問我地好唔好食，員工（老闆？）又會同我地傾計，介紹自家製漢堡包比我地知呢！