Video
Read full review
2020-02-13
209 views
前幾日同朋友見面，我地都有一段時間冇見，各有各忙，所以難得夾到時間食飯，一定要食返一餐好既！😝呢間意大利餐廳朋友之前黎過一次，食完之後念念不忘 🤗 果然食過既人都讚不絕口。呢到既食物同質素性價比好高，而且餐廳氣氛好唔錯，坐得又舒適☺️於是我再次同朋友黎呢到感受浪漫既意大利風情～餐廳既裝潢設計雖然走簡約風，但簡單得黎又不失貴氣，牆上仲掛左色彩鮮豔既畫作，仲有鋪滿花既牆，非常有格調 😍餐桌與餐桌之間都隔左一段距離，有多啲私人空間，食得更自在 😌 我地見到有好多情侶黎呢到慶祝生日或者紀念日 💐餐廳設計既餐牌精美簡潔，一本餐牌係食物 ，另一本餐牌係飲品～ 食物方面有餐湯、頭盤、主菜同埋甜品🍮等等，每一道菜都非常吸引。至於飲品方面，佢地有果汁、咖啡、酒精飲料任君選擇 👍🏻香草提子包 🌿🍇🍞首先上左一盤餐包，呢道熱辣辣香噴噴既香草提子餐包充滿意大利特色，咬落仲外脆內軟，非常鬆脆。係義大利餐廳食麵包既時候，人人都會沾上橄欖油配義大利黑醋，食落既味道更豐富～ 🍞Scallop Risotto $278Risotto 有好多好香濃既芝士，仲有一堆堆什菌同埋黑松露醬🍄 我自己本身好中意食用黑松露烹調既菜式，
呢間意大利餐廳朋友之前黎過一次，食完之後念念不忘 🤗 果然食過既人都讚不絕口。呢到既食物同質素性價比好高，而且餐廳氣氛好唔錯，坐得又舒適☺️於是我再次同朋友黎呢到感受浪漫既意大利風情～
餐廳既裝潢設計雖然走簡約風，但簡單得黎又不失貴氣，牆上仲掛左色彩鮮豔既畫作，仲有鋪滿花既牆，非常有格調 😍餐桌與餐桌之間都隔左一段距離，有多啲私人空間，食得更自在 😌 我地見到有好多情侶黎呢到慶祝生日或者紀念日 💐
餐廳設計既餐牌精美簡潔，一本餐牌係食物 ，另一本餐牌係飲品～ 食物方面有餐湯、頭盤、主菜同埋甜品🍮等等，每一道菜都非常吸引。至於飲品方面，佢地有果汁、咖啡、酒精飲料任君選擇 👍🏻
香草提子包 🌿🍇🍞
首先上左一盤餐包，呢道熱辣辣香噴噴既香草提子餐包充滿意大利特色，咬落仲外脆內軟，非常鬆脆。
係義大利餐廳食麵包既時候，人人都會沾上橄欖油配義大利黑醋，食落既味道更豐富～ 🍞
Scallop Risotto $278
Risotto 有好多好香濃既芝士，仲有一堆堆什菌同埋黑松露醬🍄 我自己本身好中意食用黑松露烹調既菜式，之前會揀黑松露意粉、黑松露pizza呢類既料理～我好中意黑松露加埋什菌呢種好簡單好純粹既味道，食完之後又唔覺得油膩，反而覺得好香口，好有滿足感～ 啲什菌好爽口彈牙☺
兩隻巨型帶子超吸睛 😍 食得出佢有一定既質素，鮮美多汁，仲好爽口彈牙添～ 佢隻帶子好大粒，煎到表面金黃色，散發出陣陣帶子既香氣。帶子肉質鮮美，令人一試難忘 🤯
Trio Cannelloni $298Cannelloni 即係意大利麵卷，但有啲人會叫佢意大利春卷。意大利麵卷入面既餡料非常豐富，除左有龍蝦肉配芝士醬（Lobster ragu) 同埋鴨肉配芝士醬(classic suck ragu)，入面仲有雜菌同埋黑松露醬，表面仲放上香濃既芝士焗烤。
我地都係第一次品嚐呢道意大利菜，覺得好好味好驚喜。原本唔太中意食芝士既我，都食得津津有味。鴨肉同龍蝦肉各色千秋，一個香嫩惹味，一個彈牙鮮味，大家黎到一定要試下，真係值得一試～ 🧀🦆🦞🍝
今晚大家都食得好盡興，餐廳氣氛好之餘，食物質素亦令人滿意～就連服務員既服務態度都好親切，我同朋友都食得好開心，感覺好溫暖☺️
Post
