自由流

Open Now

Now Closed

朋友係附近番工話想食拉麵，就試一試呢間新開店鋪。一座底店員就比左2杯水。環境感覺都舒適唔會太逼。呢到都有幾款唔同既小食同拉麵同壽司飯。選擇還算多。 朋友試左個濃厚牛白湯拉麵配牛背脂，湯底相當有牛肉味，牛背脂肉肉味香濃但唔會過於肥，入面仲有一半糖心蛋並沒有令人失望，能做到半熟效果。拉麵相當有彈性而且好爽口。拉麵仲吸收晒湯既雞湯精華十分好食 我就叫左個濃厚泡沫雞白湯拉麵，湯底有濃濃雞湯打成濃濃泡沫，入口順滑香濃。當中有一件雞胸肉做到好細嫩嫩滑，，雞肉卷相當入味。仲有一隻糖心蛋做到半生熟，拉麵又夠咬口。 額外仲叫左日式炸雞，相當大份一共有五件。外脆夠脆香，內層雞肉經過調味好入味。呢幾日咁熱我仲叫左杯烏龍茶黎飲下。